ఏ బిడ్డకైనా.. తండ్రే రియల్ హీరో. రీల్ హీరో మరొకరు ఉంటారు. మరి స్టార్ కిడ్స్ కి మాత్రం రియల్ హీరో, రీల్ హీరో మాత్రం ఒకరే. తండ్రి సినిమాలు చూసే హీరోలుగా మారిన వారు తెలుగు చిత్ర పరిశ్రమలోచాలా మంది ఉన్నారు. అయితే అల్లు అర్జున్ తనయుడు అయాన్ మాత్రం తండ్రికి షాక్ ఇచ్చాడు. తనకి ఇష్టమైన హీరో మహేష్ బాబు అని చెప్పి ఆశ్చర్యపరిచాడు. రీసెంట్ గా ఇంట్లో ఆడుకుంటున్న అయాన్ ని కుటుంబ సభ్యులు ఈ ప్రశ్న అడగగా.. “నేను మహేశ్‌బాబు ఫ్యాన్” అని సమాధానం చెప్పి నవ్వులు పూయించారు. ఈ వీడియో కూడా సోషల్ మీడియాలో వైరల్ అయింది.
అంతేకాదు శ్రీమంతుడు సినిమా తర్వాత సైకిల్ తొక్కుతూ ప్రిన్స్‌ మాదిరిగా ఫీలవ్వడం పిల్లలకే కాదు, పెద్దలకు కూడా ఫ్యాషన్ అయిపోయింది. ఆ ప్రభావంతోనే అయాన్ కూడా మహేష్ లా సైకిల్ తొక్కుతుంటాడని కుటుంబసభ్యులు వెల్లడించారు. వాళ్ళింట్లో తండ్రి అల్లు అర్జున్, బాబాయ్ శిరీష్ తో పాటు చిరంజీవి, పవన్ కల్యాణ్, రామ్ చరణ్, సాయి ధరమ్ తేజ్, వరుణ్ తేజ్ తదితరులు హీరోగా ఉన్నారు. వారందరిలో ఎవర్ని ఇష్టపడకుండా మహేశ్ బాబు‌ను ఇష్టపడటం పిల్లల్లో మహేష్ కి ఉన్న క్రేజ్ ని చెప్పకనే చెబుతోంది. మరి పెద్దయ్యాక కూడా మహేష్ తన అభిమాన హీరో అంటాడా? మా నాన్నే అని చెబుతాడో చూడాలి.
Also, do SUBSCRIBE to our YouTube channel to get latest Tollywood updates.
