Allu Sirish: వారికి బ్రేకప్ చెప్పాక చాలా బాధపడ్డాను.. రిలేషన్స్ పై అల్లు శిరీష్ కామెంట్స్!

October 19, 2022 / 08:02 PM ISTByFilmy Focus

Join Us

Allu Sirish: వారికి బ్రేకప్ చెప్పాక చాలా బాధపడ్డాను.. రిలేషన్స్ పై అల్లు శిరీష్ కామెంట్స్!

తెలుగు సినిమా ఇండస్ట్రీలో అల్లు కుటుంబానికి ఎలాంటి క్రేజ్ ఉందో అందరికీ తెలిసిందే. ఈ కుటుంబం నుంచి నిర్మాతగా అల్లు అరవింద్ ఇండస్ట్రీలో పేరు ప్రఖ్యాతలు సంపాదించుకోగా ఈయన వారసులుగా అల్లు బాబి నిర్మాతగా ఎంట్రీ ఇచ్చారు. అలాగే అల్లు అర్జున్ అల్లు శిరీష్ సైతం హీరోలుగా ఇండస్ట్రీలో కొనసాగుతున్నారు. అల్లు అర్జున్ ఫ్యాన్ ఇండియా హీరోగా పేరు ప్రఖ్యాతలు సంపాదించుకోక అల్లు శిరీష్ మాత్రం ఇండస్ట్రీలో సరైన గుర్తింపు పొందలేకపోతున్నారు.

ఇకపోతే అల్లు శిరీష అను ఇమ్మానుయేల్ తో కలిసి నటించిన చిత్రం ఊర్వశివో రాక్షసివో.రాకేష్ ఇప్పటికే విడుదల కావాల్సి ఉండగా కొన్ని కారణాలవల్ల వాయిదా పడుతూ వచ్చింది.ఈ క్రమంలోనే ఈ సినిమా నవంబర్ 4వ తేదీ ప్రేక్షకుల ముందుకు రావడానికి సిద్ధమైంది. ఇక ఈ సినిమా విడుదల తేదీ దగ్గర పడటంతో సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న అల్లు శిరీష్ సినిమా గురించి మాత్రమే కాకుండా వ్యక్తిగత విషయాలు గురించి కూడా తెలియజేశారు.

ఈ సందర్భంగా ఈయన సినిమాలు లవ్ ట్రాక్ గురించి మాట్లాడుతుండగా వెంటనే యాంకర్ నిజజీవితంలో కూడా ఎవరితోనైనా రిలేషన్ లో ఉన్నారా అంటూ ప్రశ్నించారు.ఈ ప్రశ్నకు అల్లు శిరీష్ సమాధానం చెబుతూ ఈ కాలంలో రిలేషన్ లో లేని వారు ఎవరుంటారు చెప్పండి అంటూ తాను రిలేషన్ లో ఉన్న విషయం గురించి ఓపెన్ అయ్యారు. ఈ సందర్భంగా ఆయన మాట్లాడుతూ తాను సీరియస్ గా ఇద్దరి ముగ్గురితో రిలేషన్ లో ఉన్నానని అయితే కొన్ని కారణాలవల్ల తానే వారికి బ్రేకప్ చెప్పానని తెలిపారు.

Director fixed for Allu Sirish next film1

ఈ విధంగా బ్రేకప్ చెప్పిన తర్వాత ఎంతో బాధపడ్డానని, బ్రేకప్ చెప్పినప్పటికీ అవతల వాళ్లే కాకుండా మనం కూడా ఎంతో బాధ పడతామని తర్వాత తెలిసి వచ్చిందంటూ ఈయన వెల్లడించారు.ఇక తాను అనవసరంగా బ్రేకప్ చెప్పి టైం వేస్ట్ చేసుకున్నాను లేకపోతే ఈపాటికి తనకి కూడా పెళ్లి జరిగి ఉండేదని ఈ సందర్భంగా అల్లు శిరీష్ చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి. అయితే తాను ఎవరితో రిలేషన్ లో ఉన్నారో వారి పేర్లు మాత్రం బయట పెట్టలేదు.