ఒక్కో పాత్ర.. ఒక్కో నటుడి కోసం రాసి ఉంటుంది. ఓ స్టార్ హీరో రిజెక్ట్ చేసిన కథని చిన్న హీరో చేస్తే హిట్ అవ్వొచ్చు, అలాగే ఓ చిన్న హీరో రిజెక్ట్ చేసిన కథని స్టార్ హీరో ఓకే చేస్తే అది బ్లాక్ బస్టర్ కూడా అవ్వొచ్చు… చెప్పలేము. అయితే ‘ఇప్పుడు శిరీష్ రిజెక్ట్ చేసిన కథని మహేష్ ఓకే చేసి.. ఆ ప్రాజెక్ట్ ను పట్టాలెక్కించాడు’ అనే వార్త బయటకి రావడంతో మహేష్ ఫ్యాన్స్ కంగారు పడుతున్నారట. ‘కొద్దిపాటి ఇమేజ్ కూడా లేని హీరో రిజెక్ట్ చేసిన కథని మహేష్ చెయ్యడం ఏంటి?’ అంటూ వారు ప్రెస్టీజియస్ గా ఫీలవుతున్నారని తెలుస్తుంది.
అసలు విషయం ఏంటి అంటే.. మహేష్ నటిస్తున్న తాజా చిత్రం ‘సర్కారు వారి పాట’ కథని ముందుగా దర్శకుడు పరశురామ్ హీరో అల్లు శిరీష్ కు వినిపించాడట. ‘జిఏ2 పిక్చర్స్’ బ్యానర్లో పరశురామ్- శిరీష్ ల సినిమా ఓకే అయిన వెంటనే, పరశురామ్.. శిరీష్ కు రెండు కథలు వినిపించాడట. అందులో ఒకటి ‘సర్కారు వారి పాట’ కథ .. రెందోది ‘గీత గోవిందం’ కథ. ఈ రెండు కథలను రిజెక్ట్ చేసి.. ‘శ్రీరస్తు శుభమస్తు’ కథని ఓకే చేసాడట శిరీష్. ‘గీత గోవిందం’ విజయ్ దేవరకొండతో తీసి సూపర్ హిట్ అందుకున్నాడు పరశురామ్.
ఇప్పుడు ‘సర్కారు వారి పాట’ కథని.. కొన్ని మార్పులు చేసి మహేష్ తో తెరకెక్కించడానికి రెడీ అవుతున్నాడు. అయితే ఈ కథ విన్న వెంటనే మహేష్ ఒప్పుకోలేదట. కానీ వంశీ పైడిపల్లితో చెయ్యాల్సిన ప్రాజెక్ట్ హోల్డ్ లోకి వెళ్లడంతో.. పరశురామ్ కు ఛాన్స్ ఇచ్చాడని తెలుస్తుంది. కథలో కొన్ని మార్పులు చేస్తేనే చేస్తాను అని పరశురామ్ కు మహేష్ చెప్పాడట. దానికి పరశురామ్ కూడా ఓకే చెప్పి మార్పులు చేసిన తర్వాతే ఈ ప్రాజెక్ట్ ను మహేష్ ఓకే చేసినట్టు తెలుస్తుంది.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
