అసలలాంటి వార్తలు ఎలా వస్తున్నాయండి బాబు!!

మెగాస్టార్ చిరంజీవి, బాలీవుడ్ భాయిజాన్ సల్మాన్ ఖాన్ కుటుంబాల మధ్య మంచి స్నేహముంది. చిరు తనయుడు రామ్ చరణ్ ‘జంజీర్’ చిత్రంతో హిందీ చిత్ర పరిశ్రమకు పరిచమైన సందర్భంలో సల్మాన్ ఎంతో మద్దతునిచ్చాడు. ‘జంజీర్’ ఫలితం తర్వాత హిందీలో చరణ్ కెరీర్ సెట్ చేయడంలో కోసం, అతడితో కలసి ఓ సినిమాలో నటించడానికి సల్మాన్ ముందుకు వచ్చాడని వార్తలొచ్చాయి. ఈ వార్తలను రామ్ చరణ్ ఖండించాడు.

సల్మాన్ తో కలసి నటించడం లేదని స్పష్టం చేశాడు. ఈ పుకార్లు ఎక్కడి నుంచి వస్తున్నాయో.. అర్థం కావడం లేదు. సల్మాన్, చరణ్ కలసి ఓ సినిమా ప్లాన్ చేసిన మాట వాస్తవమే. అయితే, ఇద్దరూ కలసి నటించడం లేదట. రామ్ చరణ్ కథానాయకుడిగా ఓ చిత్రం నిర్మిస్తానని సల్మాన్ ప్రతిపాదన తీసుకొచ్చాడు. చరణ్ సుముఖత వ్యక్తం చేశాడు. కథ, మిగతా వివరాలు ఓ కొలిక్కి రావలసిన అవసరముంది. రామ్ చరణ్ మాట్లాడుతూ.. “సల్మాన్ నాతో ఓ సినిమా నిర్మిస్తానని చెప్పడం సంతోషంగా ఉంది. సల్మానే కథ ఎంపిక చేయాలి. ప్రస్తుతానికి మీమిద్దరం కలసి నటించడం లేదు” అని అన్నాడు. ప్రస్తుతం సురేందర్ రెడ్డి దర్శకత్వంలో గీతా ఆర్ట్స్ సంస్థ నిర్మిస్తున్న ‘తాని ఒరువన్’ తెలుగు రీమేక్ లో చరణ్ నటిస్తున్నాడు. ఈ చిత్రం తర్వాత సుకుమార్ దర్శకత్వంలో ఓ చిత్రం చేస్తాడని సమాచారం.