కొడుకు విజయానికి గర్వపడుతున్న అల్లు అరవింద్..!!

“పుత్రోత్సాహం తండ్రికి పుత్రుడు జన్మించినప్పుడు పుట్టదు, జనుల పుత్రుని గనుగొని పొగడగా పుత్రోత్సాహం నాడు పొందురా సుమతీ” అనే తెలుగు పద్యంలో చెప్పినట్లుగా అల్లు అరవింద్ ఆనందంలో తేలియాడుతున్నారు. సొంత గీతా ఆర్ట్స్ బ్యానర్లో స్టైలిష్ స్టార్ అల్లు అర్జున్ నటించిన సరైనోడు చిత్రం అఖండ విజయం సాధించడంతో నిర్మాణ సంస్థ అధిపతిగా కంటే తండ్రిగా అల్లు అరవింద్ గర్వపడుతున్నారు. గతంలో బన్నీ సొంత బ్యానర్లో హ్యాపీ, బద్రీనాథ్ సినిమాలు చేశారు. అవి అంతగా విజయం అందుకోలేదు.

సరైనోడు బ్లాక్ బస్టర్ హిట్ కావడంతో ఆవిషయాన్ని అరవింద్ మీడియాతో పంచుకున్నారు. “మా బ్యానర్లో అమీర్ ఖాన్ కి గజిని బిగ్గెస్ట్ హిట్ గా నిలిచింది. టాలీవుడ్ లో మగధీర ఎక్కువ వసూళ్లను రాబట్టింది. ఇప్పుడు సరైనోడు భారీ కలెక్షన్లతో రికార్డ్ సృష్టించింది. మా సంస్థ రికార్డ్ లను అర్జున్ తిరగ రాయడం కన్నామించిన ఆనందం నాకు ఏముంటుంది?” అని కొడుకు విజయం చూసి అల్లు పొంగి పోతున్నారు.

అంతేకాదు స్టయిలిష్ స్టార్ రుద్రమ దేవి సినిమాలో చేసిన గోన గన్నారెడ్డి పాత్రకు గాను అనేక అవార్డులు సొంతం చేసుకున్నారు. సినీ జనులందరితో జేజేలు అందుకుంటున్న అల్లుఅర్జున్ ని చూసి తండ్రి అరవింద్ గొప్పగా ఫీలవుతున్నారు. ప్రస్తుతం గీతా ఆర్ట్స్ బ్యానర్లో రామ్ చరణ్ హీరోగా ధ్రువ సినిమా తెరకెక్కుతోంది.