హిట్‌ వెబ్‌సిరీస్‌ ట్రైలర్‌లో ఈ మార్పు చేశారా

సినిమా మొదలయ్యే ముందు తెర మీద అందులో నటించిన వాళ్ల పేర్లు, సాంకేతిక నిపుణుల వివరాలు లాంటివి వస్తాయి. అయితే ఎప్పుడైనా మీరు ఏ పేరు ముందు వచ్చింది… ఏ పేరు తర్వాత వచ్చింది అని లెక్కలేసుకున్నారా. మాకు తెలిసి ప్రేక్షకులు అలాంటి పని ఎప్పుడూ చేసి ఉండరు. ఎందుకంటే వాళ్లకు కావాల్సింది వినోదం. అయితే అమలా పాల్‌ ఈ పని చేసింది అంటున్నారు. అమలా పాల్‌ ప్రధాన పాత్రలో ఇటీవల ‘కుడి ఎడమైతే’ అనే వెబ్‌ సిరీస్‌ విడుదలైన విషయం తెలిసిందే.

తెలుగులో ఇప్పటివరకు వచ్చిన సిరీస్‌ల్లో ఇదే బెస్ట్‌ అంటూ విమర్శకులు తెగ మెచ్చుకుంటున్నారు. అయితే ఈ సిరీస్‌ విషయంలో అమలా పాల్‌ ఓ విషయంలో హర్ట్ అయ్యిందట. ఏకంగా దాని కోసం నిర్మాతలతో వాగ్వాదానికి కూడా దిగిందని అంటున్నారు. దీనిపై క్లారిటీ లేనప్పటికీ… ఇండస్ట్రీలో అయితే దీనిపై చర్చ నడుస్తోంది. `కుడి ఎడ‌మైతే` వెబ్‌సిరీస్‌లో అమలా పాల్‌తోపాటు రాహుల్ విజ‌య్ కీల‌క పాత్ర పోషించాడు. ఆ మధ్య ఈ వెబ్ సిరీస్ ట్రైల‌ర్ విడుద‌లైంది.

తొలి వెర్ష‌న్ లో అమ‌లా పాల్ పేరు కంటే ముందు రాహుల్ విజ‌య్ పేరు పడిందట. దాంతో అమ‌ల హర్ట్‌ అయ్యిందట. అసలు విషయం గ్రహించిన సిరీస్‌ టీమ్‌… వెంటనే పేర్లు ఆర్డర్‌లో మార్పు చేసి కొత్త ట్రైల‌ర్ విడుద‌ల చేశారట. ఇదన్నమాట మేటర్‌.

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్