Amigos Review in Telugu: అమిగోస్ సినిమా రివ్యూ & రేటింగ్!

నటీనటుల పనితీరు: ఒక్క టైటిల్స్ వచ్చేప్పుడు తప్ప ఆల్మోస్ట్ ప్రతి ఫ్రేమ్ లోనూ కళ్యాణ్ రామ్ కనిపిస్తాడు. మూడు విభిన్న పాత్రల్లో అలరించడానికి విశ్వప్రయత్నం చేశాడు. ఓ మోస్తారుగా విజయం సాధించాడు కూడా. అయితే.. మైఖేల్ గానే ఎక్కువ హైలైట్ అయ్యాడు. మంజునాధ్ & సిద్ధార్ధ్ పాత్రలు రెగ్యులర్ గా ఉండడమే అందుకు కారణం.

ఆషికా రంగనాధ్ అందంగా కనిపించింది కానీ.. హావభావాల ప్రకటనలో మాత్రం మిన్నకుండిపోయింది. చాలా కీలకమైన సన్నివేశాల్లో కూడా ఎలాంటి ఎమోషన్స్ కనిపించకుండా సైలెంట్ గా నిల్చుండిపోయింది. బ్రహ్మాజీ కామెడీ అక్కడక్కడా వర్కవుటయ్యింది.

సాంకేతికవర్గం పనితీరు: దర్శకుడు రాజేంద్ర రాసుకున్న కథ చాలా ఆసక్తికరంగా ఉండగా.. స్క్రీన్ ప్లే విషయంలో మాత్రం తేలిపోయింది. ఆసక్తికరమైన కాన్సెప్ట్ కు అంతే ఆసక్తికరమైన కథనం చాలా ఇంపార్టెంట్. “అమిగోస్”లో అదే లోపించింది. ఆ కారణంగా ఎంతో ఆసక్తికరంగా మొదలైన సినిమా, చాలా నీరసంగా ముగుస్తుంది. సో, దర్శకుడు రాజేంద్ర రెడ్డి బొటాబోటి మార్కులతో పర్వాలేదనిపించుకున్నాడు.

కెమెరా, మ్యూజిక్, గ్రాఫిక్స్ & ఆర్ట్ వర్క్ వంటి టెక్నికాలిటీస్ అన్నీ పర్వాలేదు అనే స్థాయిలోనే ఉన్నాయి. ప్రొడక్షన్ డిజైన్ మాత్రం రిచ్ గా ఉంది. అనవసరమైన సన్నివేశాలకు కూడా కాస్త ఎక్కువే ఖర్చు చేశారు.

విశ్లేషణ: సరైన స్క్రీన్ ప్లే & ఇంట్రెస్టింగ్ ఎలివేషన్స్ & ఎమోషన్స్ ఉండి ఉంటే సూపర్ హిట్ గా నిలిచే సత్తా ఉన్న చిత్రం “అమిగోస్”. అయినప్పటికీ.. ఎలాంటి అంచనాలు లేకుండా థియేటర్ కి వెళ్తే మాత్రం అలరిస్తుందీ చిత్రం. నటుడిగా కళ్యాణ్ రామ్ మాత్రం నెగిటివ్ రోల్లో మరోసారి దుమ్ము దులిపాడు.

రేటింగ్: 2.5/5

Click Here To Read in ENGLISH