Ashok Galla: అశోక్ గల్లా డెబ్యూ మూవీ గురించి ఆసక్తికరమైన విషయం..!

ఈరోజు సూపర్‌స్టార్‌ కృష్ణ మనవడు, మహేష్ బాబు మేనల్లుడు, గుంటూరు జిల్లా ఏంపీ జయదేవ్‌ గల్లా తనయుడు అయిన అశోక్‌ గల్లా డెబ్యూ మూవీకి సంబంధించి టైటిల్ టీజర్ ను విడుదల చేశారు. ‘భలే మంచి రోజు’ ‘శమంతకమణి’ ‘దేవదాస్’ వంటి విభిన్న చిత్రాలను తెరకెక్కించిన దర్శకుడు శ్రీరామ్‌ ఆదిత్య ఈ చిత్రాన్ని తెరకెక్కిస్తున్నాడు. ‘అమరరాజ మీడియా అండ్‌ ఎంటర్‌టైన్‌మెంట్‌’ బ్యానర్ పై పద్మావతి గల్లా ఈ చిత్రాన్ని నిర్మిస్తుండడం విశేషం.

ఈ చిత్రానికి ‘హీరో’ అనే టైటిల్ ను ఖరారు చేశారు.’హీరో’ టైటిల్ డిజైన్ ను పరిశీలిస్తే మధ్యలో స్టార్ సింబల్ కూడా జోడించారు.. అంటే భవిష్యత్తులో అశోక్ స్టార్ హీరోగా ఎదుగుతాడు అని సింబాలిక్ గా చెప్పినట్టు కాబోలు..! ఇక మహేష్ బాబు ఈ టైటిల్ టీజర్ ను లాంచ్ చేయడం విశేషం. ఇదిలా ఉండగా.. ‘హీరో’ అనే టైటిల్ ను మొదట విజయ్ దేవరకొండ కోసం ‘క్రియేటివ్ కమర్షియల్స్’ బ్యానర్ వారు రిజిస్టర్ చేయించుకున్నారు. ఆనంద్ అన్నామలై ..ఈ ‘హీరో’ చిత్రాన్ని డైరెక్ట్ చేస్తున్నట్టు..

అలాగే ‘మాస్టర్’ బ్యూటీ మాళవిక మోహనన్ ఈ చిత్రంలో హీరోయిన్ గా నటిస్తున్నట్టు కూడా అనౌన్స్ చేశారు.ఈ మూవీ కోసం పూజా కార్యక్రమాలు కూడా నిర్వహించారు. కానీ అనూహ్యంగా ఈ చిత్రం ఆగిపోయింది. దీనికి గల కారణాలు ఏంటి అనే విషయాల పై అటు నిర్మాత కానీ.. ఇటు విజయ్ దేవరకొండ కానీ స్పందించలేదు. తర్వాత ఇదే బ్యానర్లో ‘వరల్డ్ ఫేమస్ లవర్’ అనే చిత్రం చేశాడు విజయ్. కానీ ఇది మంచి ఫలితాన్ని అందించలేదు. ఏమైనా విజయ్ కోసం అనుకున్న టైటిల్ మహేష్ మేనల్లుడికి దక్కడం విశేషం.

Most Recommended Video

బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?