బన్నీ రిజెక్ట్ చేసిన కథల్ రామ్

May 22, 2021 / 12:34 PM ISTByFilmy Focus

Join Us

సినిమా ప్రపంచంలో కథలు చాలా వరకు అనేక మంది హీరోల చుట్టూ తిరిగి వస్తాయి. కథ ఎంత బావున్నా కూడా కొందరు రిస్క్ అనుకుంటారు మరికొందరు ఎదో మిస్సయ్యిందని అంటుంటారు. ఏ హీరో కూడా కథపై అనుమానాలు రాకుండా సినిమాలు చేయడం అనేది ఈ రోజుల్లో చాలా రేర్. ఇక ఇటీవల రామ్ విభిన్నమైన ఆలోచనతో ఒక సినిమాను రిజెక్ట్ చేసి మరొక కథను ఒకే చేసినట్లు తెలుస్తోంది. రామ్ పోతినేని చాలా కాలం తరువాత ఇస్మార్ట్ శంకర్ సినిమాతో బాక్సాఫీస్ హిట్ అందుకున్న విషయం తెలిసిందే.

ఆ సినిమా హిట్టయిన అనంతరం అదే తరహాలో ఫ్లోను కొనసాగించాలని రెడ్ సినిమాను చేశాడు. కానీ ఆ సినిమా అనుకున్నంతగా సక్సెస్ కాలేదు. ఇక ప్రస్తుతం చేస్తున్న లింగుస్వామి బై లాంగ్యువల్ కథపై రామ్ చాలా నమ్మకంతో ఉన్నాడు.అయితే ఈ కథనే ఇదివరకే బన్నీకి చెప్పగా మరీ కమర్షియల్ గా ఉందని ఓకే చేయలేదు. కొన్ని మార్పులు చేసి రామ్ కు వినిపించగా అతను వెంటనే గ్రీన్ సిగ్నల్ ఇచ్చాడు. ఇక ప్రవీణ్ సత్తారు చెప్పిన ఒక కథపై మాత్రం రామ్ పెద్దగా ఇంట్రెస్ట్ చూపకపోవడంతో ఆ ప్రాజెక్ట్ వరుణ్ తేజ్ దగ్గరకు వెళ్లింది.

వరుణ్ ఆ కథపై పాజిటివ్ గా స్పంధించినట్లు సమాచారం. ప్రస్తుతం చేస్తున్న F2, గని సినిమాల అనంతరం ప్రవీణ్ సినిమాను స్టార్ట్ చేయవచ్చని సమాచారం. ఇక మరోవైపు ప్రవీణ్ సత్తారు – నాగార్జున ప్రాజెక్ట్ పూర్తి కావాల్సి ఉంది. అయితే ఆ సినిమా హోల్డ్ లో పడ్డట్లు టాక్ వస్తోంది.