బేబమ్మ పాత్ర అలా దొరికింది

ఒక సినిమా కథ తెరపైకి రావడానికి ముందు చాలా మంది స్టార్స్ ను దాటుకుంటూ రావడం సహజమే. ఒకరితో అనుకున్న ప్రాజెక్ట్ సడన్ గా మరొకరి వద్దకు చేరవచ్చు. ఇక ఉప్పెన సినిమా విషయంలో కూడా అలాంటిదే ఒకటి జరిగింది. ఉప్పెన సినిమాతో గ్రాండ్ గా ఎంట్రీ ఇచ్చింది క్యూట్ బ్యూటీ కృతి శెట్టి. అయితే మొదట ఈ సినిమాలో ఈమెను హీరోయిన్ గా అనుకోలేదట. ఎవరైనా తెలుగమ్మాయి అయితేనే బావుంటుందని ఆడిషన్స్ నిర్వహించి మనీషా అనే అమ్మాయిని ప్రాజెక్ట్ లోకి తీసుకొచ్చారు.

అయితే ప్రాజెక్ట్ మరికొన్ని రోజుల్లో మొదలు కాబోతోందని అనుకున్న సమయానికి దర్శకుడు బుచ్చిబాబు ఒక ఫ్రెండ్ ద్వారా కృతి శెట్టి ఫొటోలు చూసి తన ఆలోచనను మార్చుకున్నాడట. ఆ అమ్మాయి అయితే కరెక్ట్ గా సెట్టవుతుందని గురువు సుకుమార్ కు చెప్పడంతో ఆయన ఒక మాట అన్నారట. నీ కన్నా.. నా కన్నా సినిమానే గొప్పది.. సినిమాకు ఏది కరెక్ట్ అనిపిస్తే అదే చేయి.. అంటూ సుకుమార్ చెప్పడంతో బుచ్చిబాబు కృతిశెట్టిని ప్రాజెక్ట్ లోకి తీసుకొచ్చారు.

ఇటీవల ఇచ్చిన ఇంటర్వ్యూలో దర్శకుడు బుచ్చిబాబు ఈ విషయాన్ని బయటపెట్టారు. ఇక కృతి శెట్టి బేబమ్మ పాత్రకు వంద శాతం న్యాయం చేసి దర్శకుడి నమ్మకాన్ని నిలబెట్టింది. ప్రస్తుతం కృతి శెట్టి రెండు సినిమాలతో బిజీగా ఉన్న విషయం తెలిసిందే.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!