మ్యాన్లీ స్టార్ జగపతి బాబు… ఈయన ఇప్పుడు వరుసగా విలన్ వేషాలు, తండ్రి వేషాలు వేస్తున్నారు కానీ అప్పట్లో ఫ్యామిలీ హీరోగా దాదాపు శోభన్ బాబు తర్వాత ఆ స్థాయి గ్లామర్ హీరోగా … క్రేజ్ ఏర్పరుచుకున్న నటుడే. ప్రఖ్యాత ‘జగపతి ఆర్ట్స్ అధినేత, అలాగే దర్శకుడైన వి.బి.రాజేంద్ర ప్రసాద్ గారి అబ్బాయి మన జగపతి బాబు గారు. ఆయన కొడుకుగా ‘సింహస్వప్నం’ చిత్రంతో ఎంట్రీ ఇచ్చిన మన జగపతి బాబు మొదటి చిత్రంతోనే పెద్ద ప్లాప్ ను మూటకట్టుకున్నాడు.
దర్శకుడు వి.మధుసూదన్ గారు తెరకెక్కించిన ఈ చిత్రంలో వాణి విశ్వనాధ్, శాంతి ప్రియలు హీరోయిన్లు కాగా… కృష్ణంరాజు, జయసుధ లు కూడా కీలక పాత్రలు పోషించారు. ఈ చిత్రం ఓపెనింగ్ కు మెగాస్టార్ చిరంజీవి కూడా ముఖ్య అతిధిగా విచ్చేశారు. అంత గ్రాండ్ గా ఈ చిత్రాన్ని లాంచ్ చేయడంతో ప్రేక్షకుల దృష్టి ఈ చిత్రం పై పడింది. మంచి క్రేజ్ ఏర్పడింది. అయితే ఆశించిన స్థాయిలో ఫలితం రాలేదు. జగపతి బాబు హీరోగా నిలబడడానికి కాస్త ఎక్కువ టైమే పట్టింది.
‘పెద్దరికం’ చిత్రంతో జగపతి బాబు మొదటి హిట్ అందుకున్నాడు. ఆ చిత్రం వరకూ జగపతి బాబు సొంతంగా డబ్బింగ్ చెప్పుకోలేదు. అటు తరువాత చేసిన ‘శుభలగ్నం’ చిత్రం ఇతన్ని ఫ్యామిలి ఆడియన్స్ కు మరింత దగ్గర చేసింది. ఇక అక్కడి నుండీ జగపతి బాబు వెనక్కి తిరిగి చూసుకోలేదు. ఇక కొత్త హీరోల ఎంట్రీ ఇచ్చిన తరుణంలో విలన్ గా రీ ఎంట్రీ ఇచ్చి మరింతగా క్రేజ్ పెంచుకుంటున్నాడు.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
Home