Vassishta: కొడుకుల కోసం అనుకుంటే తండ్రులతో చేయాల్సి వస్తుంది..!

టాలీవుడ్ సీనియర్ హీరోల్లో నందమూరి బాలకృష్ణ ఇప్పుడు ఫుల్ స్పీడ్‌లో ఉన్నారు. కుర్ర హీరోలకు ఏమాత్రం తీసిపోని విధంగా బ్యాక్ టు బ్యాక్ ప్రాజెక్టులతో బాక్సాఫీస్ వద్ద సందడి చేస్తున్నారు. బాలయ్య ఎనర్జీ చూసి డైరెక్టర్లు కూడా ఆయనతో సినిమాలు చేయడానికి క్యూ కడుతున్నారు. ఇప్పుడు ఆ లిస్టులో యంగ్ డైరెక్టర్ వశిష్ట కూడా చేరిపోయాడు. మెగాస్టార్ చిరంజీవితో ‘విశ్వంభర’ (Vishwambhara) లాంటి భారీ సోషియో ఫాంటసీ చిత్రాన్ని తెరకెక్కిస్తున్న ఆయన.. తాజాగా బాలయ్యను (Balakrishna) కలవడం హాట్ టాపిక్‌గా మారింది.

Vassishta

వాస్తవానికి బాలకృష్ణ వారసుడు మోక్షజ్ఞ ఎంట్రీ కోసం ఓ స్టోరీ లైన్ చెప్పడానికి వశిష్ట వెళ్లారట. అయితే ఆ కథతో పాటు, బాలయ్య కోసం ప్రత్యేకంగా తయారు చేసుకున్న మరో స్క్రిప్ట్‌ను కూడా ఆయన వినిపించడంతో.. అది బాలయ్యకు విపరీతంగా నచ్చేసిందట. దీంతో “ముందు నాతోనే సినిమా చెయ్” అని వశిష్టకు బంపర్ ఆఫర్ ఇచ్చినట్లు ఫిల్మ్ నగర్‌లో టాక్ వినిపిస్తోంది.

ఆసక్తికరమైన విషయం ఏంటంటే.. ఇలా జరగడం వశిష్టకు కొత్తేం కాదు. గతంలో గ్లోబల్ స్టార్ రామ్ చరణ్ కోసం ఓ కథను సిద్ధం చేసుకుని చిరంజీవి దగ్గరికి వెళ్లగా.. ఆ స్క్రిప్ట్ చిరుకే విపరీతంగా నచ్చేయడంతో ఫైనల్‌గా ‘విశ్వంభర’ ప్రాజెక్ట్ పట్టాలెక్కింది. ఇప్పుడు బాలయ్య విషయంలోనూ అచ్చం అదే హిస్టరీ రిపీట్ అవుతోందని నెటిజన్లు కామెంట్స్ చేస్తున్నారు.

ప్రస్తుతం చిరంజీవి ‘విశ్వంభర’ పోస్ట్ ప్రొడక్షన్ పనుల్లో ఉన్న వశిష్ట.. జులైలో ఆ సినిమాను ప్రేక్షకుల ముందుకు తీసుకురానున్నాడు. అటు బాలయ్య కూడా గోపీచంద్ మలినేని, విజయ్ కనకమేడల ప్రాజెక్టులతో ఫుల్ బిజీగా ఉన్నారు. వివేక్ ఆత్రేయ డైరెక్షన్‌లో కూడా బాలయ్య ఓ సినిమా చేయనున్నట్లు వార్తలు వస్తున్నాయి. ఇవన్నీ పూర్తయిన తర్వాత.. అంటే వచ్చే ఏడాది వశిష్ట, బాలయ్య క్రేజీ కాంబో సెట్స్ పైకి వెళ్లే అవకాశం ఉంది.

జాతీయస్థాయిలో INCA అవార్డ్స్ 2026 లో దుమ్మురేపిన తెలుగు సినిమాలు.. ఏంటో తెలుసా ?