ఎన్టీఆర్ – త్రివిక్రమ్‌ కాంబినేషన్‌లో సినిమా అంటే అంచనాలు ఏ రేంజిలో ఉంటాయో తెలిసిందే. టైటిల్‌ నుంచి లుక్‌ వరకు, కథ నుంచి టర్నింగ్‌ పాయింట్లు వరకు, యాక్షన్‌ నుంచి ఎమోషన్‌ వరకు అన్నింటా ఇద్దరి మార్క్‌ తప్పనిసరి కనిపిస్తుంది. సినిమా ఇంకా ప్రారంభించలేదు కాబట్టి ప్రస్తుతం చర్చ అంతా టైటిల్‌ గురించే సాగుతోంది. నిజానికి సినిమా ప్రకటించగానే ‘అయినను పోయి రావలే హస్తినకు…’ అనే టైటిల్‌ అనుకుంటున్నారు అంటూ వార్తలొచ్చాయి. దాని తర్వాత పెద్దగా వినిపంచలేదు. ఇప్పుడు కొత్త పేరు ఒకటి బయటికొచ్చింది. దాని బట్టి చూస్తే ఎన్టీఆర్ ‘నాయుడు’గా మారబోతున్నాడు.
‘హస్తినకు’ అనే పదం టైటిల్‌లో ఉన్నసరికి ఇదేదో పొలిటికల్‌ బ్యాక్‌డ్రాప్‌ సినిమా అని అనుకున్నారు. ఇంకొందరు అయితే రాయలసీమ నేపథ్యంలో రాబోతున్న సినిమా కాబట్టి ఫ్యాక్షనిజం బ్యాక్‌డ్రాప్‌లో ఉంటుందని అనుకున్నారు. అది కూడా త్రివిక్రమ్‌ స్టయిల్‌లో ఉంటుందని చెప్పుకొచ్చారు. ఇప్పుడు దానికి తగ్గట్టే సినిమా ‘చౌడప్ప నాయుడు’ అనే పేరును పరిశీలిస్తున్నట్లు తెలుస్తోంది. అంటే ఇందులో ఎన్టీఆర్ పేరు కూడా అదే అయి ఉంటుంది. మరి ఇంత మాస్‌ పేరు ఎన్టీఆర్‌కు పెడతారా అంటే… ‘వీర రాఘవ’ అని పెట్టినప్పుడు ఈ పేరుకేమైంది అనే ప్రశ్న కూడా వినిపిస్తోంది.
గతేడాది ప్రథమార్ధంలో ప్రకటించిన ఈ సినిమా కొవిడ్‌ పరిస్థితుల కారణంగా ప్రారంభమే వాయిదా పడుతూ వచ్చింది. ఎన్టీఆర్ ‘ఆర్‌ ఆర్‌ ఆర్‌’ పనుల్లో బిజీగా ఉండటంతో త్రివిక్రమ్‌ సినిమా ఆలస్యమైంది. అయితే ఇటీవల చిత్ర నిర్మాణ సంస్థ నుంచి ‘త్వరలో ప్రారంభం’ అనే మాట వినిపించింది. అన్నీ అనుకున్నట్లు జరిగితే సంక్రాంతికే సినిమా ముహూర్తం ఉంటుందనే వార్తలూ వినిపిస్తున్నాయి. ఇటీవల కొత్త సంవత్సరం సందర్భంగా త్రివిక్రమ్‌, ఎన్టీఆర్, నిర్మాతల్లో ఒకరైన నాగవంశీ కలిసి దిగిన ఫొటో కనిపించింది. దీంతో ముహూర్తం వార్తలకు ఊతమిచ్చినట్లు అయింది.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
