Jathi Ratnalu: బాలీవుడ్‌లోనూ లేడీ ఎంపోరియం నడిపేది నవీనే

తెలుగు సినిమాకు కొత్త రకం ఫీల్‌ అందించిన సినిమా ‘జాతిరత్నాలు’. కామెడీ సినిమా అంటే ఇలా కూడా ఉంటుంది అని నిరూపించింది. అందుకే థియేటర్లలో జనాలు బ్రహ్మరథం పట్టారు. పెద్దగా కథ లేకపోయినా, సీన్లు, డైలాగ్‌లతో సినిమాను తెరకెక్కించి వావ్ అనిపించారు దర్శకుడు అనుదీప్‌. ఈ సినిమాను బాలీవుడ్‌కి కూడా తీసుకెళ్తున్నారనే విషయం ఇటీవల తెలిసింది. ఇప్పుడు దానికి సంబంధించి ఆసక్తికర విషయం బయటకు వచ్చింది. అదే అక్కడ హీరో సంగతి.

‘జాతిరత్నాలు’ సినిమాలో ప్రముఖ పాత్ర పోషించిన నవీన్‌ పొలిశెట్టికి ఇక్కడ పెద్ద స్టార్‌ ఇమేజ్‌ ఏమీ లేదు. స్ట్రగ్లింగ్‌ ఆర్టిస్ట్‌ మాత్రమే. ఇప్పుడు ఆ పాత్రను బాలీవుడ్‌లో కూడా అలాంటి నటుడు చేస్తే బాగుంటుంది అని అందరూ అనుకుంటున్నారు. అయితే అలాంటి పాత్ర కాదు.. ఆయనే అక్కడ కూడా చేస్తాడు అనేది కొత్త టాక్‌. అవును హిందీ ‘జాతిరత్నాలు’లో కూడా నవీన్‌ పొలిశెట్టినే హీరోగా నటిస్తాడట. మిగిలిన రెండు పాత్రలు ఎవరు చేస్తారనే విషయంలో స్పష్టత లేదు.

నవీన్‌ పొలిశెట్టి ఇప్పటికే ‘చిచ్చోరే’తో బాలీవుడ్‌కు పరిచయమ్యాడు. దీంతో ‘జాతిరత్నాలు’కు అంతోకొంత ఉపయోగమే. దాంతోపాటు ఏ భాషలో అయినా ఆకట్టుకునే టాలెంట్‌ ఉంది. అందుకే బాలీవుడ్‌కి తగ్గట్టు కొన్ని మార్పులు చేసి హిందీ వెర్షన్‌ రెడీ చేద్దామని అనుదీప్‌ అనుకుంటున్నాడట. అక్కడ కూడా స్వప్న సినిమా బ్యానర్‌ మీదే సినిమా ఉంటుందని సమాచారం. లేదంటే అక్కడి ప్రొడక్షన్‌ హౌస్‌తో కలసి టై అప్ అయ్యి సినిమా నిర్మించొచ్చు. త్వరలో దీనిపై అధికారిక సమాచారం విడుదలవుతుందని టాక్‌.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!