వకీల్ సాబ్ అప్డేట్ రెడీ చేస్తున్న దిల్ రాజు & కో

December 31, 2020 / 06:34 PM ISTByFilmy Focus

Join Us

వకీల్ సాబ్ అప్డేట్ రెడీ చేస్తున్న దిల్ రాజు & కో

మరికొన్ని గంటల్లో కొత్త సంవత్సరం వచ్చేస్తుంది. షూటింగ్ మొదలై ఏడాదిపైనే గడుస్తున్నా ఇప్పటివరకు ఒక పోస్టర్, మోషన్ పోస్టర్ & కొన్ని ఫోటోలు తప్ప ఇప్పటివరకు ఒక్క టీజర్ కూడా రిలీజ్ చేయలేదు. దసరాకి ఏదైనా ఉంటుందా అని ఎదురుచూసారు కానీ, కనీసం పోస్టర్ కూడా రిలీజ్ చేయలేదు. దాంతో ఫ్యాన్స్ బాగా హర్ట్ అయ్యారు. కాకపోతే.. చివరి షెడ్యూల్ కి సంబంధించిన ఫోటోలు పొలోమని రిలీజ్ చేయడంతో ఫ్యాన్స్ హ్యాపీ ఫీల్ అయ్యారు.

ఇప్పుడు వాళ్ళ ఆనందాన్ని ద్విగుణీకృతం చేసేందుకు ఇవాళ (డిసెంబర్ 31) అర్ధరాత్రి 00.00 గంటలకు టీజర్ ఎప్పుడు విడుదలవుతుంది అనే అప్డేట్ విడుదల చేసేందుకు సన్నద్ధమవుతున్నారు దిల్ రాజు & కో. ఇంకో విశేషం ఏమిటంటే.. తమిళ వెర్షన్ కు మించిన మార్పులు తెలుగు వెర్షన్ లో చేసాడట దర్శకుడు. పవన్ కళ్యాణ్ “వకీల్ సాబ్”లో స్టూడెంట్ లీడర్ గా కనిపించనున్నాడని తెలుస్తోంది. “తీన్ మార్” తరహాలో ఈ చిత్రంలోనూ పోలీసులను ఎదిరించే సన్నివేశం ఉందని, అయితే వారితో కోపంగా కాక సామరస్యంగా సమస్యను పరిష్కరించే విధంగా సన్నివేశం ఉంటుందట.

అలాగే.. పవన్ కళ్యాణ్ గెడ్డం లుక్ వెనుక కూడా మంచి ఎపిసోడ్ ను ప్లాన్ చేశారు. సదరు ఎపిసోడ్ కు యుపీఎస్ గా శ్రుతిహాసన్ ఉండబోతొందని సమాచారం. ఆల్రెడీ “గబ్బర్ సింగ్, కాటమరాయుడు” చిత్రాల్లో మెప్పించిన ఈ జంట ఈ మూడో చిత్రంలోనూ ఆకట్టుకుకొబోతొందని తెలుస్తోంది. మరి విడుదల చేయబోయే టీజర్ లో పవన్ కళ్యాణ్ మాత్రమే కనిపిస్తాడా లేక శ్రుతిహాసన్ తోపాటు సినిమాలో కీలకపాత్రలు పోషిస్తున్న అంజలి, నివేదా థామస్ & రూప కూడా కనిపిస్తుందా అనేది తెలియాల్సి ఉంది. సో, డియర్ పీకే ఫ్యాన్స్ గెట్ రెడీ ఫర్ 2021.