Anakapalli Review in Telugu: అనకాపల్లి సినిమా రివ్యూ & రేటింగ్!

సూర్యకు డబ్బు లోటు లేకుండా అన్ని వసతులూ కల్పించి, తన రైట్ హ్యాండ్‌‌గా మార్చుకుంటాడు.అలా కొన్ని రోజులు గడిచిన తర్వాత సూర్య.. అమృత (సంధ్య వశిష్ట) అనే అమ్మాయితో తొలిచూపులోనే ప్రేమలో పడతాడు. ఆమెకు దగ్గరయ్యేందుకు బుల్లెట్ సాయం తీసుకుంటాడు. కానీ ఒకానొక దశలో ఆమె కారణంగా సూర్య, బుల్లెట్‌కి ఎదురెళ్లాల్సి వస్తుంది.అందుకు దారితీసిన కారణాలేంటి? బుల్లెట్, సూర్య ఎలా శత్రువులయ్యారు? బుల్లెట్ బారినుంచి తన కొడుకుని కాపాడుకునేందుకు సూర్య తల్లి జయంతి (ఇంద్రజ) ఏం చేసింది? ఈ కథ మధ్యలో ఎమ్మెల్యే (శ్రీనివాస్ వడ్లమాని) పాత్ర ఏమిటి? అన్నదే మిగిలిన కథ.

నటీనటుల పనితీరు: విక్రమ్ సహిదేవ్ గతంలో ‘రౌడీ బాయ్స్’ ‘విర్జిన్ స్టోరీ’ వంటి సినిమాల్లో నటించినప్పటికీ.. ఈ సినిమాతో నటుడిగా ఇంప్రూవ్ అయ్యాడు. ఫైట్స్ సీక్వెన్స్..లలో, క్లైమాక్స్ లో హీరోయిన్..కి క్లాస్ పీకే సన్నివేశంలో బాగా చేశాడు. తారక్ పొన్నప్ప నెగిటివ్ రోల్స్ కి పెట్టింది పేరు. కాకపోతే ఈ సినిమాలో సింగిల్ ఎక్స్ప్రెషన్ తోనే లాగించేసిన ఫీలింగ్ కలుగుతుంది. హీరోయిన్ సంధ్య వశిష్ట బాగా చేసింది. ఇంటర్వెల్ సీన్ వద్ద కావచ్చు, క్లైమాక్స్ విలన్ కి స్ట్రాంగ్ కౌంటర్ ఇచ్చే సన్నివేశాల్లో బాగా చేసింది. కాకపోతే ఈ పాత్రకి సరైన కన్క్లూజన్ ఇవ్వకపోవడం కొంత డిజప్పాయింట్మెంట్.

ఇంద్రజ తల్లి పాత్రలో హుందాగా నటించింది. త్రినాధ్ రావ్ నక్కిన తండ్రి పాత్రలో ఓకే అనిపించినప్పటికీ.. వేరే నటుడు ఉంటే ఆ పాత్ర బాగా ఎలివేట్ అయ్యుండేది. వడ్లమాని శ్రీనివాస రావు ఎప్పటిలానే తన మార్క్ నటనతో ఆకట్టుకున్నాడు.

సాంకేతిక నిపుణుల పనితీరు: కగేష్ తమ్మినేని దర్శకుడు అయినప్పటికీ, ఈ సినిమాకి కథ, స్క్రీన్‌ప్లే అందించింది త్రినాధ్ రావ్ నక్కిన. అయితే ఎంత టాప్ డైరెక్టర్ ఈ సినిమాకి కథ, స్క్రీన్‌ప్లే అందించినప్పటికీ… అతని మార్క్ ఈ సినిమాలో కొంచెం కూడా కనిపించలేదు. బహుశా డైరెక్షన్ విషయంలో అతను జోక్యం చేసుకోలేదేమో. అదే నిజమైతే ఇది సరైన నిర్ణయమే అనుకోవాలి. ఎందుకంటే ఇలాంటి కథను సీరియస్‌గానే చెప్పాలి. త్రినాధ్ రావ్ నక్కిన డైరెక్టర్‌గా ఇన్వాల్వ్ అయివుంటే కనుక.. అతని మార్క్ కామెడీని బలవంతంగా ఇరికించాల్సి వచ్చేది. ఆ విషయాలు పక్కనపెడితే.. ‘అనకాపల్లి’ టైటిల్ కార్డ్స్ ఆకట్టుకున్నాయి. ఫస్ట్ హాఫ్ డీసెంట్‌గా అనిపిస్తుంది.

ఇంటర్వెల్ బ్లాక్ ఎవరూ ఊహించని విధంగా ఉండి, సెకండాఫ్‌పై క్యూరియాసిటీని పెంచుతుంది. కానీ కీలకమైన సెకండాఫ్ మాత్రం ఒకే పాయింట్ చుట్టూ తిరగడం అనేది కొంత నిరాశపరిచే అంశం. క్లైమాక్స్ మళ్ళీ ట్రాక్‌లో పడింది అనుకున్న టైంలో అనవసరమైన సాగదీతకు పోయారు. ఫైట్ అవ్వగానే శుభం కార్డు వేసేయకుండా.. జాతర ఎపిసోడ్‌ను బలవంతంగా ఇరికించారు అనిపిస్తుంది. కానీ జాతర ఎపిసోడ్ సాంగ్ పిక్చరైజేషన్ బాగుంది. బడ్జెట్ విషయంలో నిర్మాతలు ఎక్కడా రాజీ పడకుండా.. కథకు ఏం కావాలో అన్నీ సమకూర్చారు. పాటలు వినడానికి బాగానే ఉన్నాయి. అయితే బ్యాక్‌గ్రౌండ్ స్కోర్ ఇంకాస్త బెటర్‌గా ఉంటే బాగుండేది. సినిమాటోగ్రఫీకి వంకలు పెట్టాల్సిన పనిలేదు.

విశ్లేషణ: ‘అనకాపల్లి’ కథ పాతగానే ఉన్నప్పటికీ ట్రీట్మెంట్ కొంచెం కొత్తగా అనిపిస్తుంది. ఫస్ట్ హాఫ్, ఇంటర్వెల్ ట్రాక్ వంటి కొన్ని ఆకట్టుకునే అంశాలు ఉన్నాయి.

ఫోకస్ పాయింట్: ‘అనకాపల్లి’లో అక్కడక్కడా కొన్ని మెరుపులు

రేటింగ్: 2/5