Anand Devarakonda: విజయ్‌తో రిలేషన్‌ గురించి ఆనంద్‌ ఆసక్తిక కామెంట్స్‌.. ఏమన్నాడంటే?

విజయ్‌ దేవరకొండ… ఇప్పటికే టాలీవుడ్‌లో తనదైన మార్క్‌ నమోదు చేశాడు ‘పెళ్లి చూపులు’ సినిమాతో హీరోగా ఎంట్రీ ఇచ్చినా.. ‘అర్జున్‌ రెడ్డి’తో తన మార్క్‌ చూపించాడు. అయితే ఆ తర్వాత సరైన సోలో విజయం కోసం చూస్తున్నాడు. కానీ ఇప్పటికీ విజయ్‌ అంటే ఓ బ్రాండ్‌. ఇప్పుడు అదే దారిలో ఇండస్ట్రీలోకి అడుగుపెట్టాడు అతని సోదరుడు ఆనంద్ దేవరకొండ. ఎంట్రీనే డిఫరెంట్‌ సినిమాతో ఇచ్చి, అదే పనిలో ముందుకెళ్తున్నాడు. తాజాగా ‘బేబి’ సినిమాతో వచ్చాడు. ఈ నేపథ్యంలో విజయ్‌కి, తనకు మధ్య ఉన్న అనుబంధం గురించి మాట్లాడాడు.

సినిమాల విషయంలో మీ అన్నయ్య సలహాలు తీసుకుంటారా? మీ సినిమాల ఎంపికలో ఆయన పాత్ర ఎలాంటిది అంటూ చాలామంది నన్ను అడుగుతుంటారు. ఈ విషయంలో కొంతమంది అనుకునేట్లు మేం ఉండం అని కుండబద్దలు కొట్టాడు ఆనంద్‌. కథల విషయంలో నిర్ణయం నాదే. ఇది చేయి, అది వద్దు అని మా అన్న కానీ, నాన్న కానీ ఎప్పుడూ చెప్పలేదు అని అన్నాడు ఆనంద్‌. సినిమాల విషయంలో విజయ్‌ దారి వేరు, నా దారి వేరు అని క్లారిటీ కూడా ఇచ్చేశాడు.

సినిమాల విషయంలో నన్ను, విజయ్‌ని పోల్చి చూడకూడదు. కాకపోతే ఎవరితో సినిమా చేస్తున్నాను, ఎలాంటి సినిమా చేస్తున్నాను అనే విషయాలు మాత్రం విజయ్‌కి చెబుతుంటాను అని తెలిపాడు ఆనంద్‌. ‘బేబి’ ట్రైలర్‌ చూసి విజయ్‌ చాలా ఆనందపడ్డాడని, మంచి సినిమా చేశావ్‌, బాగా నటించావ్‌ అని మెచ్చుకున్నాడని ఆనంద్‌ చెప్పాడు. ఇటీవల ఈ సినిమా ప్రీమియర్‌కి విజయ్‌ వచ్చి విష్‌ కూడా చేసిన విషయం తెలిసిందే.

ఇక ఆనంద్‌ (Anand Devarakonda) ఈ ఈసినిమా తర్వాత ‘గం గం గణేషా’ అనే సినిమా చేస్తున్నాడు. విజయ్‌ అయితే ‘ఖుషి’, గౌతమ్‌ తిన్ననూరి సినిమాల చేస్తున్నాడు. ఇది కాకుండా పరశురామ్‌ – దిల్‌ రాజు కాంబినేషన్‌లో మరో సినిమా ఓకే చేశాడు. త్వరలో ఈ సినిమా కూడా స్టార్ట్‌ అవుతుంది.

‘జవాన్’ ట్రైలర్ పై ట్రెండ్ అవుతున్న 15 మీమ్స్!

ఇప్పటికీ రిలీజ్ కి నోచుకోని 10 క్రేజీ సినిమాల లిస్ట్..!
ఈ వీకెండ్ కి ధియేటర్/ఓటీటీలో రిలీజ్ కాబోతున్న 15 సినిమాలు/ సిరీస్ ల లిస్ట్..!