పెళ్లిచూపులు సినిమాకు ముందు విజయ్ దేవరకొండ కొన్ని సినిమాల్లో నటించినా పెళ్లిచూపులు సినిమాతోనే నటుడిగా విజయ్ కు మంచి గుర్తింపు వచ్చింది. ఈ సినిమా తర్వాత విజయ్ నటించిన అర్జున్ రెడ్డి, గీతా గోవిందం సినిమాలు సక్సెస్ సాధించడంతో పాటు విజయ్ మార్కెట్ ను పెంచాయి. ప్రస్తుతం విజయ్ పూరీ జగన్నాథ్ డైరెక్షన్ లో లైగర్ సినిమాలో నటిస్తుండగా ఈ సినిమా ఎప్పుడు రిలీజవుతుందో తెలియాల్సి ఉంది.
అయితే విజయ్ కంటే ఆనంద్ దేవరకొండ వేగంగా సినిమాలు చేస్తూ ఏడాదికి ఒకటి లేదా రెండు సినిమాలు కచ్చితంగా రిలీజయ్యేలా కెరీర్ ను ప్లాన్ చేసుకుంటున్నారు. 2019 సంవత్సరంలో రిలీజైన దొరసాని సినిమాతో హీరోగా కెరీర్ ను మొదలుపెట్టిన ఆనంద్ దేవరకొండ ఆ సినిమాతో సక్సెస్ సాధించకపోయినా మిడిల్ క్లాస్ మెలోడీస్ మూవీతో బ్లాక్ బస్టర్ హిట్ ను ఖాతాలో వేసుకున్నారు. ఆనంద్ దేవరకొండ మూడో సినిమాగా పుష్పక విమానంలో నటించగా ఆ సినిమా త్వరలో థియేటర్లలో రిలీజ్ కానుంది.
ఈ సినిమాలతో పాటు కేవీ గుహన్ డైరెక్షన్ లో తెరకెక్కనున్న ఒక సినిమాలో ఆనంద్ దేవరకొండ నటిస్తున్నారు. విజయ్ దేవరకొండ కూడా ఆనంద్ దేవరకొండలా వేగంగా సినిమాల్లో నటిస్తే బాగుంటుందని ఫ్యాన్స్ భావిస్తున్నారు. లైగర్ సినిమా తర్వాతైనా విజయ్ దేవరకొండ వేగంగా సినిమాలు చేస్తారేమో చూడాల్సి ఉంది. విజయ్ సుకుమార్ కాంబినేషన్ లో ఒక సినిమా తెరకెక్కాల్సి ఉండగా ఆ సినిమా ఎప్పుడు మొదలవుతుందో తెలియాల్సి ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
