Anantha Sriram: ‘పెద్ది’ డిస్కషన్‌: ఇంగ్లిష్‌లో అంటే ఓకేనా? తెలుగులో చెబితే కోపమొస్తోందా?

‘పెద్ది’ సినిమాలో మైనస్‌లు లేవా? ప్రేక్షకుల్ని నిరాశపరిచే సన్నివేశాలు లేవా? వీక్షకుల్ని విసిగించే అంశాలు లేవా? అంటే కచ్చితంగా ఉన్నాయి అనే సమాధానమే వస్తుంది. ఆ మాటకొస్తే బ్లాక్‌ బస్టర్‌ హిట్‌లు కొట్టిన సినిమాల్లో కూడా ఇలాంటి మైనస్‌లు ఉంటాయి. అయితే ‘పెద్ది’ విషయంలో వీటిని ఎక్కువగా హైలైట్‌ చేస్తున్నారు అనే విమర్శ సోషల్‌ మీడియాలో కనిపిస్తోంది. ముఖ్యంగా జాన్వీ కపూర్‌ పాత్ర చిత్రీకరణ, ఐటెమ్‌ సాంగ్‌ లిరిక్స్‌ గురించి ఎక్కువగా డిస్కస్‌ చేస్తున్నారు. వీటిపై ఇటీవల చిత్రబృందం ప్రెస్‌ మీట్‌ పెట్టి క్లారిటీలు ఇవ్వడంతోపాటు చిన్నగా క్లాస్‌ కూడా పీకింది అని చెప్పాలి.

Anantha Sriram

అచ్చియమ్మ అలియాస్‌ జాన్వీ కపూర్‌ పాత్ర చిత్రీకరణ, కొన్ని సన్నివేశాల విషయంలో విమర్శలు రావడంతో దర్శకుడు బుచ్చిబాబు సానా ప్రేక్షకులకు క్షమాపణలు చెప్పి ఆ సన్నివేశాలను తొలగించారు. ఈ విషయంలో అనంత్‌ శ్రీరామ్‌ మాట్లాడుతూ జాన్వీ పాత్ర చిత్రీకరణపై వచ్చిన విమర్శకులకు దర్శకుడు బుచ్చిబాబు క్షమాపణలు చెప్పడం తనకు నచ్చలేదన్నారు. ఒక పాత్రను ఎలా తీయాలి? అది ఏ విధంగా ఉంటుందనేది దర్శకుడి ఊహ. సోషల్‌ మీడియాలో బాగా మాట్లాడేవాళ్ల అభిప్రాయాలను ఇతరులపై రుద్దడంతో వారంతా ప్రభావితమయ్యారు అని చెప్పారు.

తాను అనుకున్న పాత్రను తనకు నచ్చిన విధంగా రాసుకునే స్వేచ్ఛ దర్శకుడికి ఇవ్వకపోతే ఎలా? ఇలాగే విమర్శించుకుంటూ వెళ్తే దర్శకుల ఆలోచనలను తొక్కేసినట్లే. కొందరి మనోభావాలు దెబ్బతిన్నాయని బుచ్చిబాబు క్షమాపణ చెప్పి ఉండొచ్చు. నాకైతే ఆయన చేసిన పని నచ్చలేదు. ఇలాగే చేస్తూ పోతే భవిష్యత్‌లో డాక్యుమెంటరీలు తప్ప, కమర్షియల్‌ సినిమాలు రావు అని అన్నారు. ఇక ఐటెమ్‌ సాంగ్‌పై విమర్శల గురించి మాట్లాడుతూ ‘ఐటెమ్‌ గాళ్లు’ అనే కామెంట్‌ చేశారాయన.

పెద్ది పాత్ర తన భాషలో మాట్లాడాడు. ఇలాంటి మాటలే ఇంగ్లిష్‌లో పాస్‌గా మాట్లాడితే ఎవరూ ఏమీ అనడం లేదు అంటూ మోస్ట్‌ డిస్కస్‌డ్‌ పాయింట్‌ని స్టేజీ మీదకు తీసుకొచ్చారాయన. ఇక ఐటమ్ సాంగ్‌ను ఐటమ్ సాంగ్‌గానే స్వీకరించాలి. అదొక స్పెషల్ ఐటెం టేస్ట్ చేసినట్టు రాశాను. కానీ కొంతమంది ఐటెమ్‌ పాట విషయంలో ఏదేదో మాట్లాడుతున్నారు. ‘‘ఐటెమ్‌ సాంగ్‌ని ఐటెమ్‌సాంగ్‌గా తీసుకోకపోతే వాళ్లు ఐటెమ్‌ గాళ్లు’’ అని కాస్త హార్ష్‌ కామెంట్‌ చేశారు అనంత్‌ శ్రీరామ్‌. మరి ఈ వ్యాఖ్యలు ఎలాంటి చర్చకు దారితీస్తాయో చూడాలి.

 ‘పెద్ది’కి బ్రేక్ ఈవెన్ సాధ్యమేనా?