సినిమా సెలబ్రిటీలు ఏదైనా ఇంటర్వ్యూకి వెళ్లినప్పుడు అందులో ఏం చెబుతారు అని ఆసక్తిగా ఎదురుచూస్తుంటారు అభిమానులు. అందులో హీరోయిన్ ఆ ఇంటర్వ్యూ ఇస్తే ఇంకాస్త ఎక్కువ ఆసక్తిగా ఉంటారు. అలాంటి ఓ ఇంటర్వ్యూలో ‘ఫలానా వ్యక్తి నుండి నువ్వేం తీసుకుంటావు’ లాంటి ప్రశ్న వస్తే ఇంకాస్త ఆసక్తి ఉంటుంది. ఎందుకంటే అవతలి వ్యక్తుల్లో తమకు నచ్చినవారు ఉంటారు అని అభిమానులు, ప్రేక్షకులు అనుకోవడమే. అలా ‘లైగర్’ భామ అనన్య పాండే ఇటీవల ఓ ఇంటర్వ్యూలో పాల్గొంది.
అందుకే ‘నువ్వేం తీసుకుంటావ్’ ప్రశ్న కూడా ఉంది. అయితే ఆ ప్రశ్నకు ఆమె చెప్పిన ఆన్సర్లు విని నెటిజన్లు ‘ఇదేం మాస్ రా సామి’ అంటూ నవ్వేసుకుంటున్నారు. ఎందుకంటే అనన్య ఆన్సర్లు అలా ఉన్నాయి మరి. ‘ఖో గయే హమ్ కహా’ సినిమాలో ఇటీవల ఓటీటీ ప్రేక్షకుల ముందుకొచ్చింది అనన్య పాండే. ఈ సినిమా ప్రచారంలో భాగంగానే ఆమె ఈ విషయాలు చెప్పుకొచ్చింది.
తనకు ‘ధూమ్’ సినిమా అంటే చాలా ఇష్టం. ఒకవేళ ఆ సినిమా ఫ్రాంచైజీలో నటించే అవకాశం వస్తే తప్పకుండా నటిస్తాను అని ఓపెన్ ఆఫర్ ప్రకటించేసింది. కాబట్టి కొత్త ‘ధూమ్’ వస్తే ఫస్ట్ ఆప్షన్ తనను అనుకోండి అని చెప్పేసినట్లు అయ్యింది. ఇక సినీ పరిశ్రమలోని వ్యక్తుల నుంచి ఏయే విషయాలను స్ఫూర్తిగా తీసుకోవాలనుకుంటున్నారు? అని అడిగితే… అనన్య అప్పుడు తన ఫన్నీ ఆన్సర్లు ఇచ్చేసి నవ్వేసింది. ఇంతకీ ఆ ఆన్సర్లు ఏంటో చెప్పలేదు కదా..
షారుక్ ఖాన్ నుండి అయితే తెలివితేటలను తీసుకుంటుందట. ఆయన తన సుహానా ఖాన్ వాయిస్ చాలా బాగుంటుందని, ఆమె నుండి అదే తీసుకుంటాను అని చెప్పింది. ఇక కుర్రకారు గుండెల్లో నిత్యం అందాల బాణాలు వేసే జాన్వీ కపూర్ హెయిర్ స్టైల్ అంటే అనన్యకు ఇష్టమట. అందుకే అదే తీసుకుంటా అంటోంది. ఇవన్నీ ఒకెత్తు అయితే… తన (Ananya Panday) తండ్రి పెట్టుకునే సన్ గ్లాసెస్ అంటే చాలా ఇష్టమని, ఆయన నుండి అవే తీసుకుంటా అని చెప్పింది.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
