స్టార్ యాంకర్ అనసూయ నేడు 36వ పుట్టినరోజు వేడుకలను జరుపుకుంటున్నారు. ప్రముఖ ఛానెల్ లో న్యూస్ యాంకర్ గా కెరీర్ ను మొదలుపెట్టిన అనసూయ ప్రస్తుతం టాలీవుడ్ ఇండస్ట్రీతో పాటు కోలీవుడ్, మల్లూవుడ్ ఇండస్ట్రీల సినిమాలలో నటిస్తూ బిజీగా ఉన్నారు. బుల్లితెరపై యాంకర్ గా గ్లామరస్ గా కనిపించే అనసూయ రంగస్థలం సినిమాతో తనలో అద్భుతమైన నటి కూడా ఉన్నారని ప్రూవ్ చేసుకున్నారు. తాజాగా అనసూయ ఒక ఇంటర్య్వూలో మాట్లాడుతూ నల్గొండ జిల్లాలోని భూదాన్ పోచంపల్లి తన సొంతూరు అని చెప్పారు. అమ్మ మిషన్ కుట్టి తన స్కూల్ ఫీజును కట్టేవారని ఆమె వెల్లడించారు.
తాను ఎంబీఏ హెచ్.ఆర్ చదివానని బ్యాంక్ లో టెలీకాలర్ గా 5వేల రూపాయల వేతనానికి పని చేశానని అనసూయ తెలిపారు. ప్రముఖ ఛానెల్ లో న్యూస్ రీడర్ గా పని చేస్తున్న సమయంలోనే జబర్దస్త్ షోలో ఆఫర్ వచ్చిందని అనసూయ అన్నారు. ఆ షో తనను ప్రేక్షకులకు దగ్గర చేసిందని అదే సమయంలో సినిమా ఆఫర్లు కూడా వచ్చాయని అనసూయ అన్నారు. అత్తారింటికి దారేది సినిమాలో పార్టీ సాంగ్ రిజెక్ట్ చేయడంతో కొంతమంది తనను ట్రోల్ చేశారని అనసూయ తెలిపారు. అల్లు అర్జున్ నటించిన నటించిన ఆర్య సినిమాలో ఒక పాత్ర కోసం తనకు చాన్స్ వచ్చిందని అయితే కొన్ని కారణాల వల్ల ఆ ఆఫర్ ను రిజెక్ట్ చేశానని అనసూయ వెల్లడించారు.
రంగమ్మత్త పాత్రకు అంత మంచి పేరు వస్తుందని ఊహించలేదని ఎక్స్ పోజింగ్ మాత్రమే చేస్తున్నానని విమర్శలు చేసేవాళ్లకు సమాధానం చెప్పడం కోసం ఆ పాత్రలో నటించానని అనసూయ అన్నారు. కథనం అనే మూవీలో తాను ప్రధాన పాత్రలో నటించానని కానీ ఆ సినిమా అనుకున్న స్థాయిలో ఫలితాన్ని అందుకోలేదని అనసూయ తెలిపారు. ఆ సినిమా హిట్ కాకపోవడం వల్ల చాలా బాధ పడ్డానని కొన్ని రోజులు ఇంటి నుంచి బయటకు రాలేదని అనసూయ చెప్పుకొచ్చారు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home