Anasuya, Adhi: హైపర్ ఆదిని త్వరలోనే ఆ సినిమాలో చూస్తారు: అనసూయ

June 25, 2022 / 06:52 PM ISTByFilmy Focus

Join Us

Anasuya, Adhi: హైపర్ ఆదిని త్వరలోనే ఆ సినిమాలో చూస్తారు: అనసూయ

బుల్లితెరపై ప్రసారం అవుతున్న నెంబర్ వన్ కామెడీ షోగా ఎంతో పేరు సంపాదించుకున్న జబర్దస్త్ కార్యక్రమం గురించి ప్రత్యేకంగా చెప్పాల్సిన పనిలేదు. గత పది సంవత్సరాల నుంచి ఈ కార్యక్రమం ప్రసారం అవుతూ అద్భుతమైన ప్రేక్షకాదరణ సంపాదించుకోవడమే కాకుండా ఎంతో మంది ఆర్టిస్టులకు లైఫ్ ఇచ్చింది. జబర్దస్త్ కార్యక్రమం ద్వారా ఎంతో మంది గుర్తింపు సంపాదించుకొని ప్రస్తుతం ఇండస్ట్రీలో స్టార్ సెలబ్రిటీలగా కొనసాగుతున్నారు. సాధారణంగా ఎవరికైనా జీవితంలో ఎదగాలి అనే ఆశ ఉంటుంది.

ఈ క్రమంలోనే జబర్దస్త్ ద్వారా మంచి గుర్తింపు సంపాదించుకున్న కొందరు కమెడియన్స్ వారికి సినిమా అవకాశాలు రావడంతో ఈ కార్యక్రమాన్ని వదిలి ఇప్పటికే పలు సినిమాల్లో నటిస్తూ బిజీగా ఉన్నారు.ఇక ఈ కార్యక్రమం ద్వారా ఎంతో మంచి గుర్తింపు సంపాదించుకున్న హైపర్ ఆది సైతం ఈ కార్యక్రమానికి దూరం కావడంతో ఆయన ఈ కార్యక్రమానికి దూరం అవడానికి కారణాలు ఏంటి అని ఆరా తీశారు. హైపర్ ఆదికి కూడా సినిమా అవకాశాలు రావడం వల్లే జబర్దస్త్ కార్యక్రమానికి దూరం అయ్యారని,

మల్లెమాల వారితో ఉన్న మనస్పర్థల కారణంగానే ఆది జబర్దస్త్ దూరమయ్యారు అంటూ పెద్ద ఎత్తున వార్తలు వచ్చాయి. తాజాగా ఒక ప్రైవేట్ పార్టీలో పాల్గొన్న అనసూయకు హైపర్ఆది గురించి పలు ప్రశ్నలు ఎదురయ్యాయి. అయితే హైపర్ ఆది జబర్దస్త్ కార్యక్రమాన్ని వదిలి వెళ్ళడానికి కారణం ఏంటో అనసూయ చిన్న హింట్ ఇచ్చారు. హైపర్ ఆది క్రేజ్ వల్ల ఆయనకు సినిమా అవకాశాలు కూడా వస్తున్నాయని అయితే ఒకవైపు సినిమాని మరొకవైపు జబర్దస్త్ కార్యక్రమాన్ని బ్యాలెన్స్ చేయలేక ఈ కార్యక్రమాన్ని వదులుకున్నట్లు అనసూయ పరోక్షంగా హింట్ ఇచ్చారు.

జబర్దస్త్ కు గుడ్ బై చెప్పిన హైపర్ ఆది ని త్వరలోనే ఆ స్టార్ సెలబ్రెటీల సినిమాలలో చూస్తారు అంటూ ఈమె హైపర్ ఆదికి సినిమా అవకాశాలు వచ్చాయని చెప్పకనే చెప్పేశారు.ఇలా అనసూయ ఆది గురించి హింట్ ఇవ్వడంతో అభిమానులకు ఆది విషయంలో కొంత మేర క్లారిటీ వచ్చిందని చెప్పాలి.