బుల్లితెరపై హాట్ యాంకర్ గా దూసుకుపోతుంది అనసూయ. ఓ పక్క సినిమాల్లో కీలక పాత్రలు పోషిస్తూ.. ప్రేక్షకులను ఆకట్టుకుంటోంది. యాంకరింగ్, ప్రీ రిలీజ్ ఈవెంట్, సినిమాలతో బాగా బిజీగా ఉంటోన్న ఈ బ్యూటీ సోషల్ మీడియాలో కూడా చాలా యాక్టివ్ గా ఉంటుంది. ఎప్పటికప్పుడు తన గ్లామరస్ ఫొటోలను షేర్ చేస్తుంటుంది. అలానే తన ఫ్యామిలీతో గడిపిన క్షణాలను పోస్టుల రూపంలో షేర్ చేస్తుంటుంది. అయితే ఆమె షేర్ చేసే ఫొటోలపై, కామెంట్స్ పై ఒక్కోసారి విమర్శలు ఎదురవుతుంటాయి.
ఒక్కోసారి నెటిజన్లు అడిగే ప్రశ్నలకు ఘాటు సమాధానాలు ఇస్తుంటుంది అనసూయ. తాజాగా మరోసారి నెటిజన్లపై మండిపడింది ఈ బ్యూటీ. ఓ నెటిజన్ ట్విట్టర్ లో ‘అనసూయ గారు మీరు ఇద్దరు పిల్లల తల్లి. ఇంకా పొట్టి పొట్టి బట్టలు వేసుకుంటావా.. తెలుగు ఆడపడుచుల పరువు తీస్తున్నావు’ అని అనసూయను ట్యాగ్ చేస్తూ కామెంట్ చేశాడు. ఈ కామెంట్ ను స్క్రీన్ షాట్ తీసి.. దాన్ని షేర్ చేస్తూ స్ట్రాంగ్ కౌంటర్ ఇచ్చింది అనసూయ.
‘దయచేసి మీరు మీ పని చూసుకోండి.. నన్ను నా పని చేసుకోనివ్వండి.. మీరు ఇలా ఆలోచించి మగజాతి పరువు తీస్తున్నారు’ అంటూ రాసుకొచ్చింది. ప్రస్తుతం ఈ ట్వీట్ సోషల్ మీడియాలో వైరల్ అవుతుంది. ఈ విషయంలో కొందరు అనసూయకు మద్దతు తెలిపితే.. మరికొందరు ఎప్పటిలానే ఆమెని తిడుతున్నారు. ప్రస్తుతం అనసూయ నటించిన ‘దర్జా’, ‘ఆచార్య’ వంటి సినిమాలు విడుదలకు సిద్ధమవుతున్నాయి. అలానే ఈ బ్యూటీ ‘గాడ్ ఫాదర్’, ‘పుష్ప 2’ వంటి సినిమాల్లో నటిస్తోంది.
‘పుష్ప 2’ సినిమాలో అనసూయ పాత్ర హైలైట్ కానుందని తెలుస్తోంది. త్వరలోనే ఈ సినిమా షూటింగ్ లో పాల్గొనుంది అనసూయ. అలానే ఈ బ్యూటీ చేతుల్లో మరికొన్ని సినిమా అవకాశాలు ఉన్నాయి.
దయచేసి మీరు మీ పనిని చూసుకోండి నన్ను నా పనిని చేసుకోనివ్వండి.. మీరు ఇలా ఆలోచించి మగజాతి పరువు తీస్తున్నారు 🙏🏻🙂 https://t.co/Uy4P00bmAE
— Anasuya Bharadwaj (@anusuyakhasba) April 4, 2022
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home
