వైఎస్ రాజశేఖర రెడ్డి జీవిత ఆధారంగా తెరకెక్కిన ‘యాత్ర’ చిత్రం ఇటీవలే విడుదలయ్యి సూపర్ హిట్ టాక్ ని సొంతం చేసుకుంది. ఈ చిత్రంలో వై.ఎస్.ఆర్ పాత్ర పోషించిన మమ్ముట్టికి విమర్శకుల ప్రశంసలు దక్కాయి. ‘ఆనందో బ్రహ్మ’ ఫేమ్ మహి.వి.రాఘవ డైరెక్షన్లో వచ్చిన ఈ చిత్రాన్ని 70 ఎం.ఎం.ఎంటర్టైన్మెంట్స్ సంస్థ నిర్మించింది. ఇక ఈ చిత్రంలో సుచరితరెడ్డి అనే పాత్రని పోషించింది హాట్ యాంకర్ అనసూయ.
ఇక ఈ పాత్రకు కూడా మంచి స్పందన లభించింది. ‘రంగస్థలం’ చిత్రంలో రంగమ్మత్త పాత్రకి ఎలాంటి స్పందన లభించిందో.. ‘యాత్ర’ చిత్రంలో సుచరిత రెడ్డి పాత్రకు కూడా అంత మంచి స్పందన లభిస్తుంది. అయితే ఈ చిత్రంలో అనసూయ కనిపించింది కొద్దిసేపే అయినా మంచి నటన కనపరిచింది అనసూయ. ‘రంగస్థలం’ చిత్రంలో గోదావరి యాసతో మెప్పించినట్టే.. ఈ చిత్రంలో కూడా రాయలసీమ యాసలో ఇమిడిపోయింది. ఇక ఈ చిత్రం పై అనసూయ తన ఆనందాన్ని వ్యక్తం చేస్తూ … “సుచరితరెడ్డి పాత్రను పోషించడం నాకు ఎంతో సంతోషంగా ఉంది. ప్రేక్షకులకు నా పై చూపిస్తున్న అభిమానానికి ధన్యవాదాలు. ఈ పాత్రను నేను పోషించగలనని నాపై నమ్మకం ఉంచిన డైరెక్టర్ మహి వి రాఘవ, ’70ఎమ్‌ఎమ్‌ ఎంటర్టైన్మెంట్స్’ కు ధన్యవాదాలు” అంటూ తన ట్విట్టర్లో పేర్కొంది.
