“సైరా” లో నటించడంపై క్లారిటీ ఇచ్చిన అనసూయ.!

అందాల యాంకర్ అనసూయ.. పలు టీవీ షోలలో ముద్దుముద్దు మాటలతో అభిమానులను సొంతం చేసుకుంది. అలాగే సినిమాల్లో స్పెషల్ సాంగ్స్ తో అదరగట్టింది. క్షణం సినిమాలోనూ నెగటివ్ షేడ్స్ ఉన్న రోల్ ని అద్భుతంగా పోషించి ఫాలోయింగ్ ని పెంచేసుకుంది. రీసెంట్ గా ఆమె రంగస్థలంలో రంగమ్మత్తగా గిలిగింతలు పెట్టింది. ఇందులో అనసూయ నటనకు సామాన్య ప్రేక్షకులే కాదు సినీ ప్రముఖులు సైతం ముగ్ధులయ్యారు. అభినందనలతో పాటు ఆఫర్లు ఇస్తున్నారు. సురేందర్ రెడ్డి దర్శకత్వం మెగాస్టార్ చిరంజీవి చేస్తున్న సైరా నరసింహా రెడ్డి లోను అనసూయ ఛాన్స్ అందుకుందని కొన్ని రోజులుగా వార్త షికారు చేసింది. రామ్ చరణ్ ఈ చిత్రాన్ని నిర్మిస్తుండడంతో రంగమ్మత్తకి ఓ రోల్ ఇచ్చారని చెప్పుకున్నారు.

దీనిపై అనసూయ నేడు స్పందించింది. ‘‘మెగాస్టార్ చిరంజీవి 151వ సినిమా ‘సైరా నరసింహారెడ్డి’ లో నా పాత్ర ఉందని నాక్కూడా తెలియదు. అదే నిజమైతే అంతకన్నా అదృష్టం ఇంకేమైనా ఉంటుందా ? సైరాలో అవకాశం వస్తే అస్సలు వదులుకోను ఖచ్చితంగా చేస్తా’’ అని చెప్పింది. ఆమె మాటలను బట్టి చూస్తే సైరా టీమ్ ఇంకా అనసూయని కలిసినట్టు లేదు. తొలి భారతీయ స్వాతంత్ర సమర యోధుడు రేనాటి సూర్యుడు ఉయ్యాలవాడ నరసింహ రెడ్డి జీవితం ఆధారంగా రూపుదిద్దుకుంటున్న ఈ సినిమా సెకండ్ షెడ్యూల్ కూడా జోరుగా జరుగుతోంది. ఈ షెడ్యూల్లో నయనతార, అమితాబ్ బచ్చన్ పాల్గొన్నారు. హోమం సన్నివేశాలను తెరకెక్కించారు. ఇప్పుడు మరో సన్నివేశం కోసం హైదరాబాద్ లోని అల్యూమినియం ఫ్యాక్టరీలో కోయిలకుంట్ల ట్రెజరీ సెట్ ను రూపొందించారు. భారీ అంచనాలు నెలకొని ఉన్న ఈ మూవీ వచ్చే ఏడాది వేసవిలో థియేటర్లోకి రానుంది.