కెరీర్ స్టార్ట్ చేసింది హీరోయిన్ గానే అయినప్పటికీ. సరైన గుర్తింపు రాక కొన్నాళ్లపాటు సినిమాలకు దూరంగా ఉండి, అనంతరం యాంకర్ గా సెకండ్ ఇన్నింగ్స్ స్టార్ట్ చేసి హీరోయిన్ కంటే ఎక్కువ క్రేజ్ తోపాటు విపరీతమైన ఫాలోయింగ్ సంపాదించుకొన్న రష్మీ, (Anchor Rashmi) “జబర్దస్త్” షో ద్వారా సంపాదించుకొన్న పాపులారిటీతో వరుస అవకాశాలు సొంతం చేసుకొంది. వాటిలో “గుంటూరు టాకీస్” మినహా మరో సినిమా హిట్ అవ్వకపోయినప్పటికీ.. అందాల ప్రదర్శనతో అలరించింది. అయితే. అమ్మడి క్రేజ్ ను దృష్టిలో పెట్టుకొని పదుల సంఖ్యలో సినిమాలోచ్చాయి. సెకండ్ హీరోయిన్ గానూ కొన్ని సినిమాల్లో నటించింది.
అయితే.. క్యూ కట్టిన ఆఫర్లు రెమ్యూనరేషన్ కోసం చేసేసిన రష్మీ తర్వాత కెరీర్ ను దృష్టిలో పెట్టుకొని సినిమాల సెలక్షన్ లో కాస్త జాగ్రత్తలు పాటించడం మొదలుపెట్టింది. ఇటీవల ఎంతమంది దర్శకనిర్మాతలు సినిమాల స్క్రిప్ట్ లు పట్టుకొని వెళ్తున్నా తనకు కథ, క్యారెక్టర్ నచ్చకపోతే చేయను ని నిక్కచ్చిగా చెప్పేస్తోందట. మరీ ముఖ్యంగా హారర్ సినిమాలు మాత్రం చేయను అని చెప్పేస్తోందట. దాంతో రష్మీ క్రేజ్ ను క్యాష్ చేసుకోవాలనుకొంటున్న కొందరు నిర్మాతలు, దర్శకులు మిన్నకుండిపోతున్నారు.
