బిగ్ బాస్ నాన్ స్టాప్ హౌస్ లో జయమ్మ పంచాయితీ సినిమా ప్రమోషన్స్ లో భాగంగా యాంకర్ సుమ సందడి చేసింది. ఉగాది పండగ సంబరాల్లో మునిగిన హౌస్ మేట్స్ సుమ రాకతో ఫుల్ ఎంజాయ్ చేశారు. గార్డెన్ ఏరియాలో ఉగాది సంబరాలు జరుపుకుంటున్న హౌస్ మేట్స్ సుమ రాగానే రెచ్చిపోయారు. ఇక తనదైన స్టైల్లో పంచులేస్తూ హౌస్ మేట్స్ మద్యలో ఉన్న పంచాయితీలని చెప్పింది సుమ. ముందు ఒక్కొక్కరికీ ఒక్కో ఫుడ్ ఐటమ్ ఇస్తూనే వారి గేమ్ ఎలా ఉందో ఇండైరెక్ట్ గా చెప్పింది.
ముఖ్యంగా మిత్రా శర్మాకి అప్పడం ఇస్తూ వేసిన పంచ్ లో షోలో హైలెట్ అనే చెప్పాలి. ముక్కలు ముక్కలు అవుతున్నావ్ అంటూ మిత్రాకి కౌంంటర్స్ వేసింది. ఆ తర్వాత స్రవంతిని అరటిపండుతో పోల్చింది. ఇంకా పచ్చిగానే ఉన్నావ్ అని, బాగా పండాలి అంటూ మాట్లాడింది. అలాగే, ముమైత్ ఖాన్ కి పూతరేకు, అషూరెడ్డికి లడ్డూ, అరియానాకి పచ్చడి ఇచ్చింది. హమీదాకి ముద్దపప్పు, అనిల్ కి వైట్ రైస్ ఇస్తూ కౌంటర్స్ వేసింది.
బిందు మాధవికి అయితే చెరుకు ముక్కని చూపిస్తూ ఇది మిషన్ లో వేస్తే పిప్పి పిప్పి అయినట్లుగా అయ్యింది నీ గేమ్ అని సెటైర్స్ వేసింది. అఖిల్ ని పూరీతో, మహేష్ విట్టాకి రసం, శివకి గుత్తి వంకాయలు ఇచ్చింది. ఇక్కడే వాళ్ల గేమ్ ని ఎనలైజ్ చేస్తూ ఫుడ్ ఐటమ్స్ తో పోల్చింది సుమ. ఇక ఆ తర్వాత హౌస్ మేట్స్ ని తెలుగులో మాట్లాడిస్తూ ఫన్ గేమ్ ఆడించింది. సుమ ఉన్నంత వరకూ హౌస్ దద్దరిల్లిపోయింది.
ఎప్పుడూ స్టేజ్ పైన సందడి చేసే సుమ, ఈసారి హౌస్ లోకి వచ్చి హౌస్ మేట్స్ ని ఉత్సాహపరిచింది. అంతేకాదు, ఈసారి హౌస్ మేట్స్ అందరికీ హింట్స్ ఇస్తూ వెళ్లింది. ఇప్పుడు హౌస్ మేట్స్ సుమ వేసిన పంచ్ లని గుర్తు చేసుకుంటూ తమ గేమ్ ని ఒక్కసారి చెక్ చేసుకుంటారు. ముఖ్యంగా బిందు మాధవికి చెరుకు గడ ఇచ్చి పిప్పి అవుతున్నట్లుగా అయ్యింది నీ పరిస్థితి అని చెప్పింది కాబట్టి, ఖచ్చితంగా అటుసైడ్ పాజిటివ్ గా వెళ్తోందని గ్రహిస్తారు.
దీంతో తమ గేమ్ ని పూర్తిగా మార్చే ప్రయత్నం చేస్తారు. ఇక అషూ, అఖిల్ ఇద్దరి మద్యలో స్నేహం కూడా కొద్దిగా దూరం అయ్యేలాగానే కనిపిస్తోంది. సుమ వేసిన కౌంటర్స్ కి అషూ ఖచ్చితంగా అఖిల్ ని దూరం పెట్టేస్తుంది. నిజానికి గత రెండు రోజులుగా వీరిద్దరి మద్యలో గొడవలు అవుతూనే ఉన్నాయి. అఖిల్ గేమ్ పట్ల అషూ అసంతృప్తితోనే ఉంది. మరి తన గేమ్ ని ఎలా టర్న్ తీస్కుంటుందనేది చూడాలి.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
