టాలీవుడ్ స్టార్ హీరోలకు ఎంత క్రేజ్ ఉంటుందో.. స్టార్ యాంకర్ సుమకు కూడా అదే రేంజ్ క్రేజ్ ఉందని చెప్పొచ్చు. అయితే అది బుల్లితెర నుండి ప్రీ రిలీజ్ ఈవెంట్ మధ్యలో వరకే ఉంటుంది. ఎలాగూ ‘జయమ్మ పంచాయితీ’ ఫలితం గురించి గుర్తుచేసుకుంటారేమో అని ఇది ముందుగా చెప్పాల్సి వస్తుంది. సరే ఆ విషయాన్ని పక్కన పెట్టేస్తే.. ఏ సినిమా ఈవెంట్ కు అయినా సుమ ఉంటేనే అందం. ఆమె హోస్ట్ చేస్తేనే ఆ ఈవెంట్ కు ఓ కళ వస్తుంది. ఆమె హోస్ట్ చేస్తుంది అంటేనే..
ఏ సినిమా ప్రీ రిలీజ్ ఈవెంట్ ను అయినా జనాలు చూస్తారు అన్నది అక్షర సత్యం. ఆమె సినిమా ఈవెంట్లలో నటీనటులను స్టేజి పైకి పిలిచే తీరు కానీ.. వారికి మైక్ ఇచ్చే ముందు.. ఈమె వారి గురించి ఇచ్చే సరదా ఇంట్రడక్షన్ కానీ చాలా బాగుంటుంది. ఆ సినిమా వేడుక జరిగే ప్లేస్ అంతటిలో ఓ అందమైన, ఆహ్లాదకరమైన వాతావరణం ఏర్పడేలా చేస్తుంటుంది సుమ అనడంలో ఎటువంటి సందేహం లేదు. అలాంటి సుమ.. సెటైర్లు వేసింది అంటే మామూలుగా ఉండదండోయ్..!
కావాలని ఆమె ఎవ్వరిపైనా సెటైర్లు వేయదు.. ఎవరొకరు ఆమెను మండించేలా ఏదో ఒక కామెంట్ చేస్తే తప్ప. నిన్న ’18 పేజెస్’ ప్రీ రిలీజ్ ఈవెంట్లో నిర్మాత ఎస్.కె.ఎన్… సుమ పై సెటైర్లు వేశాడు. ‘ఈరోజు ఈ వేదిక పై నేను ఉన్నాను అంటే అది సుమ గారి వల్లే.ఇలాంటి ఈవెంట్లలో యాంకర్ కనుక మాలాంటి వాళ్ళను స్టేజి పైకి పిలవడం మర్చిపోతే కామ్ గా ఉరుకోవాల్సిందే. అందుకే సుమ గారికి థాంక్స్’ అంటూ ఎస్.కె.ఎన్ అన్నాడు. అక్కడి వరకు బాగానే ఉంది.
తర్వాత సుమ ఏజ్ పై పరోక్షంగా సెటైర్లు వేశాడు ఎస్.కె.ఎన్. ‘తాను చదువుకుంటున్నప్పటి నుండి సుమను చూస్తున్నాను’ అంటూ మాట్లాడుతుంటే సుమ కలుగజేసుకుని ‘ఇది నాకు డెడికేట్ చేస్తున్నారా’ అంటూ అడిగింది. అందుకు ఎస్.కె.ఎన్ ‘మొన్న చిరంజీవి గారితో మాట్లాడుతుంటే మీరు నాపై సెటైర్లు వేశారు.అది మనసులో పెట్టుకున్నాను’ అంటూ సెటైర్ వేశాడు. వెంటనే సుమ ‘ఈసారి కిడ్నీలో పెట్టుకోండి’ అంటూ స్ట్రాంగ్ కౌంటర్ ఇచ్చింది.అందుకు సంబంధించిన వీడియో ఇప్పుడు వైరల్ అవుతుంది.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
