తెలుగు-తమిళ-మలయాళ భాషల ప్రేక్షకులతోపాటు నార్త్ లోనూ సుపరిచితురాలైన అందగత్తె ఆండ్రియా కేవలం మంచి నటి మాత్రమే కాదు అంతకుమించిన సింగర్ కూడా అన్న విషయం చాలా మందికి తెలియదు. 2006లో నటిగా కెరీర్ మొదలుపెట్టడానికి ముందే 2005 నుంచి అమ్మడు పాటలు పాడుతోంది. తెలుగులో “బొమ్మరిల్లు” చిత్రంలో దేవిశ్రీప్రసాద్ సంగీత సారధ్యంలో మొదటిసారి పాట పాడిన ఆండ్రియా ఆ తర్వాత దేవి సారధ్యంలోనే “రాఖీ, ఎవడు” చిత్రాల్లో పాటలు పాడింది. అమ్మడి హస్కీ వాయిస్ కి మంచి డిమాండ్ ఉంది. మధ్యమధ్యలో కొన్ని ప్రైవేట్ ఆల్బమ్స్ కూడా చేసిన ఆండ్రియా తాజాగా సూపర్ స్టార్ మహేష్ సరికొత్త సినిమా “భరత్ అనే నేను”లో కూడా ఒక పాట పాడిందట.
ఆండ్రియాను సింగర్ గా ఎంకరేజ్ చేసిన దేవిశ్రీప్రసాద్ “భరత్ అనే నేను”కు కూడా మ్యూజిక్ డైరెక్టర్ కావడం.. సినిమాలో మాంచి రోమాంటిక్ సాంగ్ ఉండడంతో.. ఆండ్రియా హక్సీ వాయిస్ అయితేనే అందుకు సరిగ్గా సరిపోతుందని భావించిన దేవి దర్శకుడు కొరటాలను ఒప్పించి మరీ ఆండ్రియాతో ఆ సెక్సీ సాంగ్ పాడించాడట. ఈ విషయాన్ని ఆండ్రియా ఇటీవల ఓ మీడియా ఇంటర్వ్యూలో తెలిపింది. ఏప్రిల్ లో విడుదలకానున్న “భరత్ అనే నేను”లో మహేష్ ముఖ్యమంత్రి పాత్ర పోషిస్తుండగా.. మహేష్ కు జోడీగా బాలీవుడ్ బ్యూటీ కైరా దత్ కనిపించనుంది.
Home