Aditya 999 Max: అలవాటు లేని డైరెక్టర్‌కి.. బాలకృష్ణ ఆ క్రిటికల్‌ సబ్జెక్ట్‌ ఇస్తారా?

కొన్ని సినిమాలు చేయడానికి కొంతమంది దర్శకులైతేనే బెస్ట్‌ అని టాలీవుడ్‌లో ఓ థీమ్‌ ఉంటుంది. దీన్ని అందరూ ఒప్పుకోరు కానీ.. హ్యాండిల్‌ చేయలేని సినిమాలు తీసి.. చేతులు కాల్చుకున్న దర్శకుల గురించి తెలిసిన కొందరు మాత్రం ఈ థీమ్‌ను నమ్ముతారు. ఇంకోసారి అలాంటి దర్శకుడు నప్పని థీమ్‌తో వస్తున్నప్పుడు భయపడతారు. అయితే ఆ దర్శకుడికి అది తొలి ప్రయత్నం అయితే ‘చూద్దాం ఎలా ఉంటుందో’ అని ఓ ట్రై చేస్తారు. ఇప్పుడు అనిల్‌ రావిపూడి విషయంలో ఇలాంటి ఆలోచనే మనం చేయాలా? ఏమో టాలీవుడ్‌లో ఇదే చర్చ నడుస్తోంది.

Anil Ravipudi

అనిల్‌ రావిపూడి విషయంలో ఒకటి కాదు కానీ.. ఇలాంటివి రెండు థీమ్స్‌ ఇప్పుడు రానున్నాయి అనేది లేటెస్ట్‌ చర్చ. అనిల్‌ ఇప్పటివరకు తీసిన సినిమాలు కామెడీ, యాక్షన్‌ కలగిలిపి ఉంటాయి. ‘భగవంత్‌ కేసరి’ తప్పిస్తే దాదాపు అన్నీ ఆ జోనర్‌లోనే ఉంటాయి. అయితే ఇప్పుడు ఆయన చేతిలో ఓ సైన్స్‌ఫిక్షన్‌ కథను పెట్టబోతున్నారు అంటూ ఓ చర్చ మొదలైంది. అంతేకాదు ఓ ‘యంగ్‌’ హీరోను సినిమా పరిశ్రమకు పరిచయం చేసే అవకాశమూ ఇచ్చే ఉద్దేశంలో ఉన్నారని టాక్‌. ఆ సినిమా ‘ఆదిత్య 999 మ్యాక్స్‌’ అయితే.. ఆ హీరో నందమూరి మోక్షజ్ఞ.

అవును, నందమూరి బాలయ్య డ్రీమ్ ప్రాజెక్ట్‌ ‘ఆదిత్య 999 మ్యాక్స్‌’ సినిమాను అనిల్‌ రావిపూడి చేతిలో పెడితే ఎలా ఉంటుంది అనే చర్చ మొదలైంది. అయితే ఆయనకు ఇప్పటివరకు ఇలాంటి కథను హ్యాండిల్‌ చేసిన అనుభవం లేదు. దీనికి ఎక్స్‌పర్టైజ్‌ చాలా అవసరం. ఇక ఈ సినిమాతోనే తనయుడిని లాంచ్‌ చేద్దాం అని బాలయ్య అనుకుంటున్న నేపథ్యంలో డెబ్యూ కూడా అనిలే చూసుకోవాలి. మరి ఈ పుకార్లు నిజమేనా? నిజమైతే అనిల్‌ ఓకే చేస్తారా అనేది చూడాలి. అదేంటి ఈ సినిమా క్రిష్‌ దర్శకత్వం అన్నారు కదా అనుకుంటున్నారా? ఆయన తప్పుకున్నారని టాక్‌.

పవన్‌ అన్నారు.. ఇప్పుడు బన్నీ అంటున్నారు.. ఆ డైరక్టర్‌ ఏం చేస్తున్నారు?

Read Today's Latest Movie News Update. Get Filmy News LIVE Updates on FilmyFocus