దిల్ రాజు నిర్మించిన ‘సీతమ్మ వాకిట్లో సిరిమల్లె చెట్టు’ సినిమాలో హీరోయిన్ అంజలికి మంచి ఛాన్స్ ఇచ్చారు. ఈ సినిమా పెద్ద సక్సెస్ కావడంతో అంజలి కెరీర్ కి ప్లస్ అయింది. ఇండస్ట్రీలో ఆమెకి అవకాశాలు పెరిగాయి. కానీ సరైన సక్సెస్ ను మాత్రం అందుకోలేకపోయింది. దీంతో కోలీవుడ్ కు వెళ్లి అక్కడే సినిమాలు చేసుకుంటూ బిజీ అయింది. మళ్లీ ఇన్నాళ్లకు ‘వకీల్ సాబ్’ సినిమాలో నటించింది. అది కూడా దిల్ రాజు ఇచ్చిన అవకాశమే. మొదట బడ్జెట్ పరిమితుల వలన ఆమెని తీసుకున్నారని అనుకున్నారు. కానీ అంజలి ఆ క్యారెక్టర్ కి యాప్ట్ అయింది. తన ఎమోషనల్ పెర్ఫార్మన్స్ తో ఆకట్టుకుంటుంది.
ఇప్పుడు మళ్లీ ఆమెకి వరుసగా అవకాశాలు వస్తాయో రావో అనేది పక్కన పెడితే.. మరోసారి దిల్ రాజే ఆమెకి మూడో ఛాన్స్ ఇచ్చినట్లు తెలుస్తోంది. అనీల్ రావిపూడి దర్శకత్వంలో ‘ఎఫ్3’ సినిమా తెరకెక్కుతోన్న సంగతి తెలిసిందే. ‘ఎఫ్2’కి సీక్వెల్ కావడంతో ఈ సినిమాపై భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ దశలో ఉంది. అయితే ఈ సినిమాలో తమన్నా, మెహ్రీన్ లు కాకుండా మరో హీరోయిన్ కనిపించనుంది.
ఆ క్యారెక్టర్ కోసం సోనాల్ చౌహన్ ని తీసుకున్నారు. కానీ ఇప్పుడున్న కరోనా పరిస్థితుల కారణంగా ఆమె ముంబై నుండి హైదరాబాద్ కి వచ్చి నటించడం అనేది సందేహంగా మారింది. దీంతో నిర్మాత దిల్ రాజు తన నిర్ణయాన్ని మార్చుకొని సోనాల్ కి బదులుగా అంజలిని తీసుకోవాలని నిర్ణయించుకున్నారు. పైగా అంజలి కాల్షీట్స్ రెడీగా ఉన్నాయి. దీంతో ఆమెని మూడో హీరోయిన్ గా కన్ఫర్మ్ చేసేసారు. మొత్తానికి ‘వకీల్ సాబ్’ సక్సెస్ అంజలికి మరో క్రేజీ ఛాన్స్ ను తీసుకొచ్చిందనే చెప్పాలి!
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home