సూపర్‌స్టార్ రజనీకాంత్ రాబోయే చిత్రం అన్నత్తై రెగ్యులర్ ప్రమోషన్స్ త్వరలో ప్రారంభం కానున్నాయి. అక్టోబర్ 4 న సినిమా మొదటి పాటను విడుదల చేస్తున్నట్లు చిత్ర యూనిట్ అఫీషియల్ గా క్లారిటీ ఇచ్చింది. అయితే ఆ పాటను ప్రముఖ గాయకుడు ఎస్పీ బాలసుబ్రహ్మణ్యం ఆలపించారట. సూపర్ స్టార్ రజనీకాంత్ కాంబినేషన్ లో ఎన్నో పాటలు పాడిన బాలసుబ్రహ్మణ్యం అన్నత్తైలోనే చివరి పాట పాడినట్లు తెలుస్తుంది. చిత్ర యూనిట్ ఆసక్తికరమైన పోస్టర్‌తో పాట విడుదల తేదీని కూడా ప్రకటించింది.
ఆ పోస్టర్‌లో, రజనీ తమిళ్ లోకల్ ఫ్లేవర్ లో కనిపిస్తున్నాడు. పద్మవిభూషణ్ ఎస్పీ.బాలసుబ్రహ్మణ్యం పాడిన అన్నత్తై మొదటి పాటను అక్టోబర్ 4 న సాయంత్రం 6 గంటలకు విడుదలవుతుందని క్లారిటీ ఇచ్చారు. రజనీ-ఎస్‌పిబి కాంబినేషన్లో వచ్చిన చాలా పాటలు అభిమానులు ఎప్పటికి మరచిపోలేరు. SPB గానంతోనే రజనీకాంత్ సినిమాలోని అనేక పరిచయ పాటలు వచ్చాయి. బాషా నుంచి రోబో వరకు అన్ని కూడా బెస్ట్ సాంగ్స్ గా నిలిచాయి. ఇక అన్నత్తై పాట కోసం కూడా అభిమానులు ఎంతో ఆతృతగా ఎదురుచూస్తున్నారు.
ఇక ఈ సినిమాను సిరుతై శివ దర్శకత్వం వహిస్తుండగా సన్ పిక్చర్స్ నిర్మించింది. ఈ చిత్రానికి డి ఇమాన్ సంగీతం అందిస్తున్నాడు. ఖుష్బు, నయనతార, మీనా, కీర్తి సురేష్, ప్రకాష్ రాజ్, సతీష్, సూరి, అభిమన్యు సింగ్ ఈ చిత్రంలో కీలక పాత్రలు పోషిస్తున్నారు. ఈ చిత్రం దీపావళి సందర్భంగా నవంబర్ 4 న ప్రేక్షకుల ముందుకు రానుంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home