Dj Tillu: రెండో ‘టిల్లు’లో మరో మార్పు.. ఈసారి ఎవరంటే?

‘డీజే టిల్లు’ సినిమా సీక్వెల్‌ వస్తోంది అంటే.. అభిమానులు ఆసక్తిగా అడిగిన ప్రశ్న ‘రాధిక ఎవరు?’ అని. ఎందుకంటే ఆ సినిమాలో టిల్లు తర్వాత అంతగా ఆసక్తికరంగా అనిపించే పాత్ర రాధిక. సినిమాలో ఆమె పాత్ర చాలా ప్రత్యేకం మరి. అందుకే ‘డీజే టిల్లు’ సీక్వెల్‌ ‘టిల్లు స్క్వేర్‌’ అని అనౌన్స్‌ కాగానే.. హీరోయిన్‌ ఎవరు అని పోస్టర్‌, వీడియోలు తెగ వెతికేశారు. అయితే దానిని కూడా టీమ్‌ ఫన్నీ చెప్పింది అనుకోండి. అయితే ఏ ముహూర్తాన చెప్పారో కానీ.. ఆ హీరోయిన్‌ కూడా మారిపోయింది అని అంటున్నారు.

అదేంటి అనుకుంటున్నారా? ‘టిల్లు స్క్వేర్‌’ సినిమాలో హీరోయిన్‌గా పూజా హెగ్డేను అనుకున్నాం. కానీ ఆమె కుదర్లేదు అందుకే అనుపమ పరమేశ్వరన్‌ను తీసుకున్నాం అంటూ తొలి వీడియోలో టీమ్‌ చెప్పింది. ఆ మాట ఏదో సరదాకి చెప్పారు కానీ.. ఇప్పుడు అనుకున్న హీరోయిన్‌ కూడా మారిపోయిందట. సినిమా నుండి అనుపమ పరమేశ్వరన్‌ తప్పుకుందని చెబుతున్నారు. ఆమె స్థానంలో మరో హీరోయిన్‌ కోసం టీమ్‌ వెతుకుతోందట. ఈ క్రమంలో ఇద్దరు కుర్ర హీరోయిన్లను చూశారట. అందులో ఒకరు ఫైనల్‌ అవుతారని అంటున్నారు.

నిజానికి ‘డీజే టిల్లు’కి సీక్వెల్‌ అనగానే.. రాధికగా నేహా శెట్టినే నటిస్తోంది అని అనుకున్నారంతా. ఎందుకంటే తొలి సినిమాలో బాగానే చేసింది. అయితే ఆమె కాకుండా వేరే నాయికను తీసుకుంటున్నారు అని వార్తలొచ్చాయి. అనుకున్నట్లుగానే వేరే హీరోయిన్‌ను వెతికీ వెతికీ అనుపమ పరమేశ్వరన్‌ను తీసుకున్నారు. అయితే ఇప్పుడు ఆమె కూడా వివిధ కారణాల వల్ల తప్పుకోవడంతో.. ఆ ప్లేస్‌లోకి హీరోయిన్‌ను వెతకగా.. శ్రీలీల, మడోన్నా సెబాస్టియన్‌ పేర్ల దగ్గర చర్చ ఆగిందట.

అయితే శ్రీలీల ప్రస్తుతం బిజీగా ఉండటం, స్టార్‌ హీరోల సరసన ఛాన్స్‌లు సంపాదిస్తుంటంతో ఈ సినిమలో నటించే అవకాశం తక్కువే అంటున్నారు. అందులో మడోన్నా సెబాస్టియన్‌ పేరును ఫైనల్‌ చేశారు అంటున్నారు. ‘ప్రేమమ్‌’ సినిమాలో నటించిన ఈ బొద్దుగుమ్మ ఇప్పుడు ఈ సినిమాలో మళ్లీ కనిపించబోతోంది. ఈ రెండు సినిమాలకు నిర్మాత ఒకరే కావడం గమనార్హం. ఇక తొలి మార్పు విషయానికొస్తే దర్శకుడిగా విమల్‌ కృష్ణ ప్లేస్‌లో మల్లిక్‌ రామ్‌ ఇప్పటికే వచ్చారు.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..