Toxic: మరో హీరోయిన్‌ను ఓకే చేసిన యశ్‌ ‘టాక్సిక్‌’. ఈసారీ అక్కడి నుండే!

‘కేజీయఫ్‌’ (KGF2) సినిమాలతో పాన్‌ ఇండియా హీరో అయిపోయాడు యశ్‌ (Yash). అప్పటివరకు కన్నడలో ఓ మోస్తరు సినిమాలు చేస్తూ వచ్చిన యశ్‌ ఒక్కసారిగా పాన్‌ ఇండియా మెటీరియల్‌ అన్నారు. అందుకు తగ్గట్టే కొత్త సినిమాను కూడా ఆయన అలానే సెలెక్ట్‌ చేసుకున్నారు. చాలా రోజులు గ్యాప్‌ తీసుకొని మరీ.. ‘టాక్సిక్‌’ ఓకే చేశారు. ఇప్పుడు ఈ సినిమా గురించి చాలా జాగ్రత్తలు తీసుకుంటున్నారు. అందులో ఓ విషయం హీరోయిన్లు. గీతూ మోహన్‌దాస్‌ (Geetu Mohandas) దర్శకత్వంలో రూపొందుతోన్న ‘టాక్సిక్‌’ను (Toxic)  కేవీఎన్‌ ప్రొడక్షన్స్, మాన్‌స్టర్‌ మైండ్‌ క్రియేషన్స్‌ నిర్మిస్తున్నాయి.

భారీ బడ్జెట్‌తో రూపొందుతున్న ఈ సినిమా పూర్తి స్థాయి యాక్షన్‌ మూవీ అని అంటున్నారు. డ్రగ్స్‌ నేపథ్యంలో సాగుతుంది ఈ కథ అంటున్నారు కానీ ఎక్కడా ఎలాంటి క్లారిటీ రావడం లేదు. ఇక క్లారిటీ రాని అంశాలు ఏమున్నాయి అని చూస్తే.. హీరోయిన్లు కీలకం అని చెప్పాలి. ఎందుకంటే ఇప్పటికే చాలా పేర్లు వినిపించాయి. తాజాగా వస్తున్న సమాచారం ప్రకారం అయితే బాలీవుడ్‌ యువతార తారా సుతారియాను (Tara Sutaria)  సినిమా కోసం ఎంపిక చేశారు.

అయితే ఆమె సెకండ్‌ హీరోయిన్‌ అని అంటున్నారు. కియారా అడ్వాణీని ఇప్పటికే ప్రధాన కథానాయికగా ఎంపిక చేశారు అని వార్తలొచ్చిన విషయం మీకు తెలిసే ఉంటుంది. వీళ్లిద్దరూ కాకుండా బాలీవుడ్‌ నుండి మరో హీరోయిన్‌ను ఇప్పటికే ప్రతినాయిక పాత్ర కోసం తీసుకున్నారు. ఆమెనే హ్యూమా ఖురేషి (Huma Qureshi). అన్నీ అనుకున్నట్లుగా జరిగి ఉంటే సినిమాలో మరో సీనియర్‌ బాలీవుడ్‌ హీరోయిన్‌ నటించేది. ఆమెనే కరీనా కపూర్‌  (Kareena Kapoor) . సినిమాలో కీలకమైన యశ్‌ సోదరి పాత్ర కోసం ఆమెను సంప్రదించినట్లు వార్తలొచ్చాయి.

కానీ ఆమె నో అంది అని అంటున్నారు. ఆమె బదులుగా అంతటి బలమైన నాయిక కావాలి అనుకుని.. నయనతారను (Nayanthara) ఎంపిక చేశారు అని సమాచారం. ఈ విషయంలో క్లారిటీ రావాల్సి ఉంది. ఇప్పటికే రెండు షెడ్యూల్స్‌ పూర్తి చేసుకున్న ఈ సినిమా చిత్రీకరణలో సెప్టెంబరు నుండి కొత్త షెడ్యూల్‌ ఉంటుంది అంటున్నారు. వచ్చే ఏడాది ఏప్రిల్‌ 10న సినిమాను థియేటర్లలోకి తీసుకొచ్చేలా ఏర్పాట్లు జరుగుతున్నాయి.