గత కొంతకాలంగా అఖిల్ రెండో సినిమాపై రోజుకో వార్త వినిపిస్తూనే ఉంది. మొదట వంశీ పైడిపల్లితో, తరువాత హను రాఘవపూడితో చేస్తున్నాడని మాటలు వినిపించాయి. కానీ ఇద్దరు దర్శకులు తప్పుకున్నారు. ఆ తరువాత మారుతి పేరు వినిపించింది. అది కాకుండా విక్రమ్ కె కుమార్ తో ఈసారి పక్కా సినిమా ఉంటుందని మరో వార్త హల్ చల్ చేసింది. కానీ ఇవేమీ కాకుండా ఇప్పుడు అఖిల్ ఓ సినిమా సీక్వెల్ లో నటిస్తున్నాడని చెప్పుకుంటున్నారు.
నాగార్జున కెరీర్ లో చెప్పుకోదగ్గ చిత్రాలలో మన్మధుడు సినిమా ఒకటి. ఇప్పుడు ఆ సినిమా సీక్వెల్ అఖిల్ తో చేయించాలని నాగ్ భావిస్తున్నాడట. అలా చేస్తే కచ్చితంగా అఖిల్ కి హిట్ వస్తుందనే నమ్మకం. దీనికోసం త్రివిక్రమ్ ను రంగంలోకి దింపాలనేది నాగ్ ఆలోచన. అంతా బానే ఉంది.. కాని త్రివిక్రమ్ ఒప్పుకుంటాడో లేదో చూడాలి!
