ఆర్టిఫిషియల్ ఇంటెలిజెన్స్ (ఏఐ) చేసే నష్టం గురించి చెప్పుకోవాలంటే రీసెంట్‌ ఉదాహరణ రష్మిక మందన వీడియో. ఎవరో వీడియోకు ఆమె తలకాయ తగిలించి అభ్యంతరకరంగా చేశారా వీడియో. ఇక మంచి గురించి చెప్పుకోవాలంటే చాలా విషయాలే ఉన్నాయి. వాటిలో సినిమా రిలేటెడ్‌గా కొన్ని ఫొటోలు, వీడియోలు సోషల్‌ మీడియాలో సందడి చేస్తున్నాయి. మొన్నటికి మొన్న టాలీవుడ్‌ అందగాడు శోభన్‌బాబు వీడియో బయటకు రాగా, ఇప్పుడు అక్కినేని నాగేశ్వరరావు ఫొటోలు సందడి చేస్తున్నాయి.
సాంకేతికతతో ఒకప్పటి స్టార్‌ హీరోల మోడరన్ లుక్‌లను సిద్ధం చేస్తున్నారు ఔత్సాహిక అభిమానులు. ఆర్టిఫిషియల్ ఇంటెలిజెన్స్ ద్వారా ఓ నెటిజన్‌ లెజెండరీ అక్కినేని నాగేశ్వరరావు AI వెర్షన్ లుక్‌ను సిద్ధం చేశారు. దానిని సోషల్‌ మీడియాలో షేర్‌ చేయగా… అభిమానులు పెద్ద ఎత్తున షేర్‌ చేస్తున్నారు. యంగ్‌ ఏజ్‌లో ఉన్న అక్కినేని ఆ ఫొటోలో అదిరిపోయారు అని చెప్పాలి. ఇంగ్లిష్‌ హీరోలకు ఏ మాత్రం తక్కువ కాకుండా ఉన్నారు అని కామెంట్లు కనిపిస్తున్నాయి.
ఈ వీడియోను నిజానికి షేర్‌ చేసింది ప్రముఖ దర్శకుడు రామ్‌ గోపాల్‌ వర్మ. ఆ వీడియోలో పాత ఫొటోను, కొత్త ఫొటోను చూపిస్తుంటే… ఒకానొక సందర్భంలో నాగార్జున, నాగ చైతన్య కంటే అక్కినేనే అదిరిపోయారు అనేలా ఉంది. మామూలుగానే ఏఎన్నార్ అందగాడు… ఏఐ మ్యాజిక్‌ కలిసేసరికి ఇంకా అందంగా కనిపించారు అని అంటున్నారు ఫ్యాన్స్. నాగేశ్వరరావు రొమాంటిక్ హీరోగా తిరుగులేని ఇమేజ్ సొంతం చేసుకున్నారనే విషయం ప్రత్యేకంగా చెప్పక్కర్లేదు.
టాలీవుడ్‌లో దశాబ్దాల పాటు ఆయన నట ప్రస్థానం కొనసాగింది. తొంబై ఏళ్లకు పైగా జీవించిన (ANR) ఏఎన్నార్ ఆఖరి సినిమా ‘మనం’. అలా ఆయన తుదిశ్వాస వరకూ నటిస్తూనే ఉన్నారు. శోభన్‌బాబు బీచ్‌లో నడుచుకుంటూ వస్తున్న వీడియో ఎంత వైరల్‌ అయ్యిందో మనం ఇప్పటిక చూశాం. ఇప్పుడు అక్కినేని వీడియో కూడా అలాగే వైరల్‌ అవుతోంది. రాబోయే రోజుల్లో మరింతమంది దివంగత స్టార్లు, అగ్ర హీరోల ఫొటోలు, వీడియోలు ఇలా బయటకు వచ్చే అవకాశం ఉంది.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
