టాలీవుడ్ లో సూపర్ క్రేజ్ ఉన్న హీరో మహేష్ బాబు. సూపర్ స్టార్ కృష్ణ గారి వారసుడిగా సినీ ఎంట్రీ ఇచ్చి తనకంటూ ఒక స్టార్ డమ్ తెచ్చుకొని తండ్రికి తగ్గ తనయుడు అనిపించుకున్నాడు. మహేష్ కి అటు మాస్ ఇటు క్లాస్ అని తేడా లేకుండా అన్ని వర్గాల ప్రేక్షకుల్లో మంచి ఆదరణ ఉంది. అయితే మహేష్ అంటే ఇష్టంతో 106 సంవత్సరాల వయసు ఉన్న రేలంగి సత్యవతి అనే ఒక మహిళ రాజమహేంద్రవరం నుండి హైదరాబాద్ కి వచ్చి మహేష్ ని కలువగా ఆమెతో కలసి దిగిన ఫోటోని మహేష్ షేర్ చేసి తన సంతోషాన్ని వ్యక్తం చేయడంతో ఆ ఫోటో ఇప్పుడు సోషల్ మీడియా లో వైరల్ గా మారింది.
అంతేకాకుండా హీరో సుమంత్ ఈ ఫోటో చూసి, మీరు పెద్ద వాళ్ళకి చాలా గౌరవం ఇచ్చే నటుడు, మా తాతయ్య అక్కినేని నాగేశ్వరావు గారికి ఈ తరం నటుల్లో చాలా ఇష్టమైన నటుడు మీరే అంటూ ట్వీట్ చేయగా, దానికి మహేష్ థాంక్స్ సుమంత్, ఏఎన్‌ఆర్ గారు ఎన్నో విధాలుగా ఎప్పటికి నాకు ఆదర్శప్రాయులే అంటూ రిప్లై ఇచ్చాడు. ఇలా హీరో సుమంత్ ఏఎన్‌ఆర్ గారికి ఇష్టమైన నటుడు మహేష్ అని ట్వీట్ చేయడం దానికి మహేష్ బాబు ఇచ్చిన రిప్లై సోషల్ మీడియా లో వైరల్ అవుతున్నాయి.
Home