అసోసియేషన్ ఆఫ్ మలయాళం మూవీ ఆర్ట్స్.. షార్ట్గా ‘అమ్మ’. ఈ నటీనటుల సంఘం గురించి మొన్నీమధ్య వరకు ఇతర సినిమా పరిశ్రమల వారు, ముఖ్యంగా టాలీవుడ్ జనాలు పెద్దగా ఎవరూ మాట్లాడుకోలేదు. మలయాళ సినిమాల ప్రేమికులు కూడా దీని గురించి పెద్దగా మాట్లాడరు. అయితే మలయాళ పరిశ్రమలో కాస్టింగ్ కౌచ్, మహిళలకు దుర్భర పరిస్థితుల గురించి చర్చ రావడం, దానిపై జస్టిస్ హేమ కమిటీ రిపోర్టు రావడం, కొన్ని చర్యలు తీసుకోవడం, దాని మీద చర్చలు జరగడం, అధ్యక్షుడిగా మోహన్లాల్ వైదొలగడం లాంటివి అయ్యాక ‘అమ్మ’ గురించి అందరికీ తెలిసింది.
అవన్నీ అయిపోయాయి.. ఇప్పుడు మాలీవుడ్ తిరిగి ట్రాక్ ఎక్కింది అనుకుంటుండగా.. అమ్మలో మరోసారి ముసలం పుట్టేలా ఉంది. దీనికి కారణం ప్రముఖ నటి అన్సీబా హాసన్ రాజీనామా చేయడమే. ‘దృశ్యం’ సినిమాల్లో మోహన్ లాల్ పెద్ద కుమార్తె అంజు జార్జ్ పాత్రలో నటించింది అన్సీబా హాసన్. వ్యక్తిగత కారణాల వల్ల అమ్మకు రాజీనామా చేసినట్లు ప్రకటించిందామె. అయితే తన రాజీనామాకు కారణం సహ నటుడు టైనీ టామ్.. అలాగే ‘అమ్మ’లోని కొందరు సభ్యులు తనను వ్యక్తిగతంగా కించపరచడం, మతపరమైన దూషణలకు దిగడమే అని అన్సీబా తెలిపింది.
తనను రాజీనామా చేయమని కూడా కొంతమంది సభ్యులు ఒత్తిడి చేశారని అన్సీబా ఆరోపించింది. ఈ మేరకు మీడియాతో మాట్లాడుతూ.. ‘‘టామ్ నాపై ‘జిహాదీ’ అనే ముద్ర వేశాడు. మతపరమైన వ్యాఖ్యలతోపాటు, నా వ్యక్తిగత జీవితంపై రూమర్స్ వ్యాప్తి చేశాడు అని అమ్మలోని మరో సభ్యుడు తనకు చెప్పారని అన్సీబా తెలిపారు. అమ్మ కమిటీలోని ఒక మహిళా సభ్యురాలు తనపై తప్పుడు ఫిర్యాదు చేశారని కూడా ఆమె చెప్పింది. ఈ సమయంలో అధ్యక్షురాలు గానీ, ఇతర కార్యవర్గ సభ్యులు గానీ తనకు అండగా నిలవలేదని కూడా చెప్పారు.
అయితే ఈ ఆరోపణలను నటుడు టైనీ టామ్ ఖండించారు. అన్సీబా వాదనలు కేవలం వదంతుల ఆధారంగానే ఉన్నాయని చెపపారు. ఆమెపై తాను ఎలాంటి వ్యాఖ్యలు చేశానని.. ఎవరో చెప్పినట్లు ఆమె అంటున్నారని క్లారిటీ ఇచ్చారు. ఇక అమ్మ అధ్యక్షురాలు శ్వేత మీనన్ మాట్లాడుతూ వ్యక్తిగత కారణాలు, వృత్తిపరమైన కమిట్మెంట్స్ వల్ల అన్సీబా రాజీనామా చేశారని వెల్లడించారు. చూస్తే అన్సీబా ఇంకోలా చెప్పింది. దీంతో ఈ విషయం చినికి చినికి గాలి వాన అయ్యేలా ఉంది.
https://www.youtube.com/watch?v=E1ZT4StDFZM
