అమాయకంగా కనిపించే అను ఇమ్యానుల్ పై టాలీవుడ్ హీరోలు మనసు పారేసుకుంటున్నారు. తొలిసారి మజ్ను సినిమాలో నాని సరసన ముద్దుగా నటించిన ఈమె అందరినీ ఆకట్టుకుంది. తర్వాత “కిట్టు ఉన్నాడు జాగ్రత్త” సినిమాతో పాటు పవర్ స్టార్ పవన్ కళ్యాణ్ కి జోడీగా ఛాన్స్ అందుకుంది. త్రివిక్రమ్ శ్రీనివాస్ దర్శకత్వంలో తెరకెక్కుతోన్న సినిమా సెట్స్ మీద ఉండగానే మరో అవకాశం పట్టేసింది. ‘దువ్వాడ జగన్నాథం’ తర్వాత అల్లు అర్జున్ చేస్తున్న ‘నా పేరు సూర్య నా ఇల్లు ఇండియా’లో హీరోయిన్ గా సెలక్ట్ అయినట్లు సమాచారం.
వక్కంతం వంశీ దర్శకత్వంలో తెరకెక్కనున్న ఈ మూవీ మొదటి షెడ్యూల్ విజయ వంతంగా పూర్తి చేసుకుంది. రెండో షెడ్యూల్లో అను ఇమ్యాన్యూయేల్ పాల్గొననున్నట్లు తెలిసింది. శిరీషా శ్రీధర్ లగడపాటి నిర్మిస్తోన్న ఈ సినిమాలో అల్లు అర్జున్ సోల్జర్ గా నటిస్తున్నారు. సీనియర్ నటుడు శరత్ కుమార్ కీలక రోల్ పోషిస్తోన్న ఈ చిత్రంపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
