ఇండస్ట్రీలో ఎన్ని కుటుంబాలున్నా మెగా ఫ్యామిలీకి మాత్రం ఒక మంచి పేరుంది. ఒక్కసారి మెగా కాంపౌండ్ లోకి అడుగు పెట్టారంటే.. హీరో/హీరోయిన్/డైరెక్టర్/కమెడియన్/టెక్నీషియన్ ఎవరైనా సరే ఇండస్ట్రీలో నిలదొక్కుకోగలుగుతారు. ముఖ్యంగా ఒక హీరోయిన్ గనుక మెగా ఫ్యామిలీ హీరోతో ఒక్క హిట్ కొట్టిందంటే చాలు మిగతా మెగా హీరోలందరూ సరసన నటించే అవకాశాన్ని బుక్ చేసుకొన్నట్లే లెక్క. ప్రస్తుతం స్టార్ హీరోయిన్స్ గా తెలుగులో వర్ధిల్లుతున్న తారలందరూ అలా పైకొచ్చినవారే. ఇప్పుడు ఆ ఖాతాలో సెక్సీ బ్యూటీ అను ఎమ్మాన్యూల్ కూడా చేరనుంది.
ఆల్రెడీ పవన్ కళ్యాణ్ సరసన “అజ్ణాతవాసి”లో సెకండ్ హీరోయిన్ గా నటిస్తున్న అను.. అల్లు అర్జున్ సరసన “నా పేరు సూర్య”లోనూ కథానాయికగా నటిస్తోంది. ఇప్పుడు రామ్ చరణ్ సరసన సరసాలాడే సదవకాశాన్ని సొంతం చేసుకొంది. బోయపాటి దర్శకత్వంలో రామ్ చరణ్ హీరోగా డి.వి.వి.దానయ్య నిర్మించనున్న ఈ చిత్ర ప్రారంభోత్సవం ఇటీవల జరిగిన విషయం తెలిసిందే. తొలుత ఈ చిత్రంలో కథానాయికగా రకుల్ ప్రీత్ పేరు వినిపించినప్పటికీ.. ప్రెజంట్ యూత్ లో మాంచి క్రేజ్ ఉన్న అను ఎమ్మాన్యూల్ అయితేనే బెటర్ అన్న ఆలోచనతో ఆమెను ఎంపిక చేసినట్లు తెలుస్తోంది. త్వరలోనే అఫీషియల్ ఎనౌన్స్ మెంట్ ఇవ్వనున్నారు. ఇక మెగా ఫ్యామిలీ హీరోలు సాయిధరమ్ తేజ్, వరుణ్ తేజ్ లతో కూడా నటించేస్తే కంప్లీట్ మెగా హీరోయిన్ మార్క్ సొంతం చేసుకొంటుంది అను ఎమ్మాన్యూల్.
