టాలీవుడ్ లో హీరోయిన్ గా ఎంట్రీ ఇచ్చింది అనుపమ పరమేశ్వరన్. తన కెరీర్ లో కొన్ని హిట్టు సినిమాల్లో నటించింది. కానీ స్టార్ హీరోయిన్ రేంజ్ కి ఎదగలేకపోయింది. అయినప్పటికీ ఈమెకి అవకాశాలు వస్తూనే ఉన్నాయి. ఒకప్పుడు గ్లామర్ షోకి, ఆన్ స్క్రీన్ రొమాన్స్ కి దూరంగా ఉండే అనుపమ.. ఇప్పుడు లిప్ లాక్ సీన్స్ లో నటించడానికి కూడా ఒప్పుకుంటుంది. రీసెంట్ గా ఈమె నటించిన ‘కార్తికేయ2’ ప్రేక్షకుల ముందుకొచ్చింది.
ఈ సినిమా ఎంత పెద్ద సక్సెస్ అయిందో తెలిసిందే. బాలీవుడ్ లో కూడా భారీ కలెక్షన్స్ ను వసూలు చేస్తుంది. ఈ సినిమా అనుపమకి బాగానే కలిసొచ్చినట్లు ఉంది. రీసెంట్ గా ఓ అగ్ర నిర్మాణ సంస్థ అనుపమకు బాలీవుడ్ లో లాంచ్ చేయాలని నిర్ణయించుకుందట. ఇప్పటికే అనుపమకు కథ కూడా వినిపించినట్లు తెలుస్తోంది. అయితే ఈ విషయమై చర్చలు ఇంకా ముగింపు దశకు చేరుకోలేదని సమాచారం. కొంతకాలంగా సౌత్ లో మంచి గుర్తింపు తెచ్చుకున్న హీరోయిన్లపై బాలీవుడ్ ప్రొడక్షన్ హౌస్ లు ఆసక్తి చూపిస్తున్న సంగతి తెలిసిందే.
టాలీవుడ్ లో టాప్ హీరోయిన్లు సమంత, పూజాహెగ్డేలకు బాలీవుడ్ లో ఎంతగా ఆఫర్స్ వస్తున్నాయో తెలిసిందే. ఇప్పుడు అనుపమకు కూడా బాలీవుడ్ మేకర్స్ అవకాశాలు ఇవ్వడానికి రెడీ అవుతున్నారు. త్వరలోనే అనుపమ బాలీవుడ్ ప్రాజెక్ట్ ను అఫీషియల్ గా వెల్లడించనున్నారు. మరి హిందీలో ఈ ముద్దుగుమ్మ ఎలాంటి ఫేమ్ తెచ్చుకుంటుందో చూడాలి. ప్రస్తుతం ఈ బ్యూటీ ‘డీజే టిల్లు’ సీక్వెల్ లో నటిస్తోంది. సిద్ధు జొన్నలగడ్డ హీరోగా తెరకెక్కుతోన్న ఈ సినిమాపై భారీ అంచనాలు నెలకొన్నాయి.
Most Recommended Video
