Anupama, Ram: రామ్ అనుపమ పెళ్లి వార్తలపై స్పందించిన నటితల్లి?

October 6, 2023 / 06:14 PM ISTByFilmy Focus

Join Us

Anupama, Ram: రామ్ అనుపమ పెళ్లి వార్తలపై స్పందించిన నటితల్లి?

సినిమా ఇండస్ట్రీలో ఒక హీరో హీరోయిన్ కలసి రెండు మూడు సినిమాలలో నటిస్తే వారిద్దరి మధ్య ఏదో ఉందని వార్తలు రావడం మొదలవుతాయి. ఇలా ఇప్పటికే ఎంతోమంది సెలబ్రిటీలో ఇలాంటి వార్తల ద్వారా ఇబ్బందులు పడుతున్నారు. ఈ క్రమంలోనే నటి అనుపమ పరమేశ్వరన్ రామ్ ఇద్దరు కూడా ఉన్నది ఒక్కటే జిందగీ, హలో గురు ప్రేమకోసమే వంటి సినిమాలలో నటించారు. ఈ క్రమంలోనే వీరిద్దరి మధ్య కూడా ఏదో ఉంది అంటూ వార్తలు వచ్చాయి.

ఈ విధంగా వీరి గురించి గత కొంతకాలంగా వార్తలు సోషల్ మీడియాలో వైరల్ అవుతున్నాయి అయితే గత రెండు రోజులుగా వీరిద్దరూ పెళ్లి చేసుకోబోతున్నారని రామ్ తన బ్యాచిలర్ లైఫ్ కి గుడ్ బై చెప్పబోతున్నారు అంటూ కూడా సోషల్ మీడియాలో వార్తలు చక్కర్లు కొడుతున్నటువంటి తరుణంలో ఈ వార్తలపై అనుపమ తల్లి సునీత స్పందించి క్లారిటీ ఇచ్చారు. అనుపమ రామ్ ఇద్దరు కూడా రెండు సినిమాలలో నటించడంతో వారి గురించి ఇలాంటి వార్తలు వస్తున్నాయని ఈమె తెలియజేశారు.

వాళ్ళిద్దరూ రెండు సినిమాలలో నటించిన అది కేవలం సినిమాల వరకు మాత్రమేనని ఇప్పటికి వారు సరిగా ఫోన్లో కూడా మాట్లాడుకోరని ఈమె తెలియజేశారు. ఇలా తమ కుమార్తె గురించి వస్తున్నటువంటి ఈ పెళ్లి వార్తలలో ఏమాత్రం నిజం లేదని, ఇలాంటి వార్తల వల్ల తమ ఫ్యామిలీ కాస్త ఇబ్బందులను ఎదుర్కొంటున్నామని తెలియజేశారు. గతంలో కూడా అనుపమ క్రికెటర్ తో ప్రేమలో ఉంది అంటూ వార్తలు వచ్చాయి. తాజాగా మరోసారి అలాంటి వార్తలే వస్తున్నాయని ఈమె తెలిపారు.

అనుపమ పరమేశ్వరన్ (Anupama) ఇప్పుడప్పుడే పెళ్లి చేసుకోవాలనే ఆలోచనలో కూడా లేదని తన పెళ్లి గురించి వస్తున్నటువంటి వార్తలన్ని పూర్తిగా ఆవాస్తవమని కొట్టి పారేశారు. ఇక అలాంటి గుడ్ న్యూస్ ఏదైనా ఉంటే తప్పకుండా మేమే ఈ విషయాన్ని అందరితో పంచుకుంటాము అంటూ ఈ సందర్భంగా అనుపమ పరమేశ్వరన్ తల్లి తన కూతురు పెళ్లి గురించి వస్తున్నటువంటి వార్తలపై స్పందించి క్లారిటీ ఇచ్చారు.