హీరోయిన్స్ కష్టాల గురించి చెప్పిన అనుపమ

ప్రేమమ్ (మలయాళ చిత్రం) మూవీతో మలయాళ బ్యూటీ అనుపమ పరమేశ్వరన్ యువకుల హృదయాలను గెలుచుకుంది. తెలుగు ప్రేమమ్ లోను సుమ గా ఆకట్టుకుంది. అంతకంటే ముందే అ.. ఆ సినిమాలో సొంతగా డబ్బింగ్ చెప్పుకుని మరీ మెప్పించింది. శతమానం భవతి చిత్రంలో శర్వానంద్ తో జోడీగా నటించి మంచి మార్కులు కొట్టేసింది. ఉన్నదీ ఒక్కటే జిందగీ లోను చక్కగా నటించి మంచి అవకాశాలను అందుకుంది. ప్రస్తుతం “తేజ్‌ ఐ లవ్‌ యూ”, ‘”హలో గురు ప్రేమకోసమే” చిత్రాల్లో నటిస్తున్న ఈ బ్యూటీ నటన అంత ఈజీ కాదంటోంది. రీసెంట్ గా ఓ ఇంటర్వ్యూ లో మాట్లాడుతూ హీరోయిన్స్ కష్టాల గురించి వెల్లడించింది. ‘‘అందరూ సినిమా వాళ్లకు ఏ కష్టాలు ఉండవనీ, సుఖవంతమైన జీవితం అని అనుకుంటారు. యాక్ట్‌ చెయ్యడం అంత సులభమైన పనేమీ కాదు.

సెట్‌లో అడుగుపెట్టామంటే ఎండైనా, వానైనా, చలి అయినా, జ్వరం వచ్చినా పని చెయ్యక తప్పదు.” అని అనుపమ వెల్లడించింది. ఈ కష్టాన్ని తాను ఇష్టంగా భావిస్తున్నట్టు వివరించింది. ‘‘బాగాచదివి హెచ్‌.ఆర్‌, సాఫ్ట్‌వేర్‌ ఇంజినీర్… ఇలా ఏ జాబ్‌లో చేరినా హాయిగా ఏసీలో కూర్చొని పని చెయ్యొచ్చు. కానీ కొన్నాళ్లకు ఆ పని బోర్‌ కొడుతుంది. సినిమా రంగంలో అలా కాదు. ప్రతిరోజూ కొత్తగానే ఉంటుంది. అంతే కష్టమూ ఉంటుంది. నచ్చిన పని చేస్తునప్పుడు అంత కష్టం అనిపించదు. యాక్టర్స్‌ ఎలాంటి కష్టానైనా తట్టుకోగలరని, ఓర్పుగా ఉంటారని నా అభిప్రాయం” అని అనుపమా పరమేశ్వరన్‌ తమ ఇష్టకష్టాలను చెప్పింది.