నానికి జోడీగా మరో ప్రేమమ్ బ్యూటీ

నేచురల్ స్టార్ నాని నిన్నుకోరి సినిమాతో వరుసగా ఏడు హిట్లతో రికార్డులు బద్దలు కొట్టారు. ఈ విజయాలు అందిస్తున్న ఉత్సాహంతో చక చక సినిమాలు చేస్తున్నారు. ప్రస్తుతం దిల్ రాజు నిర్మాణంలో MCA (మిడిల్ క్లాస్ అబ్బాయి) సినిమాని నాని చేస్తున్నారు. వేణు శ్రీరాం దర్శకత్వంలో తెరకెక్కనున్న ఈ మూవీలో మలార్ బ్యూటీ సాయి పల్లవి హీరోయిన్ గా నటిస్తోంది. మలయాళం ప్రేమమ్ సినిమాలో మలార్ పాత్రలో ఆకట్టుకున్న ఈ భామ, లేటెస్ట్ గా వచ్చిన ఫిదాలోను భానుమతిగా అలరించింది. ఇక నాని సినిమాలో ఎలాంటి పాత్రలో ఆకట్టుకుంటుందోనని ఎదురుచూస్తున్నారు.

నాని ఈ చిత్రం తర్వాత  యువ దర్శకుడు మేర్లపాక గాంధీ  21 వ ప్రాజక్ట్ చేస్తున్నారు. ఈ చిత్రానికి “కృష్ణార్జున యుద్ధం” అనిపేరు కూడా ఫిక్స్ చేశారు.  ఇందులో నాని డ్యూయల్ రోల్ పోషించనున్నట్లు సమాచారం. షైన్  స్క్రీన్స్  బ్యానర్ లో వెంకట్ బోయినపల్లి   నిర్మిస్తున్న “కృష్ణార్జున యుద్ధం” సినిమాలో మరో ప్రేమమ్ బ్యూటీ అనుపమ పరమేశ్వరన్ హీరోయిన్ గా ఖరారు అయినట్లు ఫిలిం నగర్ వాసులు చెబుతున్నారు. మరి ఈ జోడీ వెండితెరపై ఎలాంటి ప్రేమకథను ఆవిష్కరించనుందో చూడాలి.

Also, do SUBSCRIBE to our YouTube channel to get latest Tollywood updates.