ఇప్పుడంటే హాట్‌ లేడీ అయితపోయి కుర్రకారు గుండెల్లి గుచ్చి గుచ్చి తీపి గాయం చేసింది కానీ.. ఒకప్పుడు అనుపమ పరమేశ్వరన్‌ (Anupama Parameswaran) అంటే చీరకట్టుకు, హోమ్లీ లుక్‌కి ఫేమస్‌. ఆమె అదిరిపోయే చీరకట్టులో కనిపించిన సినిమాల్లో ‘రాక్షసుడు’ (Rakshasudu) ఒకటి. ఆ సినిమలో బెల్లంకొండ సాయి శ్రీనివాస్‌ (Bellamkonda Sai Sreenivas) సరసన అదిరిపోయే యాక్టింగ్‌ కూడా చేసింది. ఇప్పుడు ఆ సినిమా, ఆ కాంబినేషన్‌ గురించి ఎందుకు అనుకుంటున్నారా? ఇద్దరూ మళ్లీ కలుస్తున్నారనే టాక్‌ వస్తోంది కాబట్టి.
‘టిల్లు స్క్వేర్‌’ (Tillu Square) సినిమా తర్వాత అనుపమను హాట్‌ లిల్లీగానే గుండెల్లో కొలుస్తున్నారు కుర్రకారు. నెవర్‌ బిఫోర్‌ లుక్ అండ్‌ ఫీల్‌లో అదగొట్టింది అనుపమ ఆ సినిమాలో. అందాల ప్రదర్శనకు ఎక్కడా పరదా వేసుకోకుండా ఆ సినిమాలో నటిస్తే.. ఇప్పుడు ముఖాన ‘పరదా’ కప్పుకుని కొత్త సినిమా చేస్తోంది. ఆ సినిమా పేరే ‘పరదా’ (Paradha). ఇటీవల ఈ సినిమాను అనౌన్స్‌ చేశారు. ప్రస్తుతం పోస్ట్‌ ప్రొడక్షన్‌లో ఉన్న ఈ సినిమా త్వరలో ప్రేక్షకుల ముందుకు వస్తుంది. ఇందులో కొత్త రకం అనుపమ కనిపిస్తుందట.
ఆ తర్వాత ఆమె చేయబోయే సినిమా బెల్లంకొండ సాయి శ్రీనివాస్‌తోనే అని అంటున్నారు. కౌశిక్‌ దర్శకత్వంలో ఓ సినిమా రూపొందనున్నట్లు ఇటీవల టీమ్‌ ప్రకటించిన సంగతి తెలిసిందే. ఆ సినిమాలో కథానాయికగా అనుపమను ఖరారు చేసేందుకు చిత్ర బృందం ప్రయత్నిస్తోందట. చిత్ర వర్గాలు ఆమెతో చర్చలు జరుపుతున్నట్లు తెలిసింది. అన్నీ అనుకున్నట్లు జరిగితే బెల్లంకొండ సాయి శ్రీనివాస్‌ – అనుపమ పరమేశ్వరన్‌కు ఇది రెండో చిత్రమవుతుంది.
ఇక ఫాంటసీ హారర్‌ థ్రిల్లర్‌గా ముస్తాబు కానున్న బెల్లంకొండ సాయి శ్రీనివాస్‌ సినిమాకు ‘కిష్కిందపురి’ అనే టైటిల్‌ పరిశీలిస్తున్నారట. త్వరలో టైటిల్‌, కథానాయికలను ఫిక్స్‌ చేసిన అనౌన్స్‌ చేస్తారట. అప్పుడు చీరకట్టులో ‘ఆకట్టుకున్న’ ఈ భామ.. ఇప్పుడు కొత్త సినిమాలో ఎలా కనిపిస్తుందో చూడాలి. ఎందుకంటే లిల్లీని మళ్లీ మళ్లీ చూడాలని యువత వెయిట్‌ చేస్తోంది. మరి అనుపమ ఏమనుకుంటుందో తెలియాల్సి ఉంది.
Home
