“విస్కీ ఐ లవ్ యూ.. విస్కీ నాకో ముద్దివ్వు” అంటూ అనుపమ పరమేశ్వరన్ ఇవాళ ఉదయం పెట్టిన ట్విట్టర్ పోస్ట్ అందర్నీ విశేషంగా కన్ఫ్యూజ్ చేసింది. కొంపదీసి పొద్దుటే పరమేశ్వరన్ పాప తాగేసిందా అనుకొన్నారందరూ. కానీ.. పోస్ట్ క్లిక్ చేస్తే తెలిసింది అమ్మడు విస్కీ అని ప్రేమగా పిలిచింది మత్తు పానీయాన్ని కాదని తాను ప్రేమగా పెంచుకొంటున్న కుక్కపిల్లనని తెలిసేసరికి ఆమె అభిమానులందరూ ఊపిరి పీల్చుకొన్నారు. ఇటీవల ఓ భారీ నిర్మాణ సంస్థ నుండి లభించిన ఆఫర్ ను కాదన్న కారణంగా వార్తల్లో నిలిచిన అనుపమ ఈ మార్నింగ్ విస్కీ ట్వీట్ తో మరోమారు చిన్నసైజు సంచలనం సృష్టించింది.
ఇకపోతే.. అనుపమ ప్రస్తుతం నానీ సరసన “కృష్ణార్జున యుద్ధం”, సాయిధరమ్ తేజ్ హీరోగా వినాయక్ దర్శకత్వంలో తెరకెక్కుతున్న చిత్రంలో మరో సినిమాలో నటిస్తోంది. ఇవి కాకుండా మరో రెండు సినిమాలు సైన్ చేసింది అనుపమ. అలాగే.. అనుపమకు తమిళంలోనూ ఆఫర్లు వెల్లువెత్తుతున్నాయి, అక్కడి యువ కథానాయకులందరూ అనుపమతో నటించడానికి తెగ ఉవ్విళ్లూరుతున్నారట. క్రేజ్ కు తగ్గట్లే అమ్మడు రెమ్యూనరేషన్ కూడా పెంచేసిందట. చూస్తుంటే.. అనుపమ అతీత్వరలోనే అగ్ర కథానాయికగా ఎదిగేలా ఉంది.
