మలయాళ ముద్దుగుమ్మ అనుపమ పరమేశ్వరన్ తెలుగులో మంచి పాపులారిటీ దక్కించుకుంది. గ్లామర్ జోలికి వెళ్లకుండా.. తన నటనతోనే ప్రేక్షకులను అలరిస్తోంది. తెలుగులో ఆమె చివరిగా కనిపించిన సినిమా ‘రాక్షసుడు’. ప్రస్తుతం ఈ బ్యూటీ తమిళ, మలయాళ చిత్రాల్లో నటిస్తోంది. తాజాగా అనుపమకు ఓ తెలుగు సినిమాలో నటించే ఛాన్స్ వచ్చిందని తెలుస్తోంది. అది కూడా ‘కార్తికేయ’ సినిమా సీక్వెల్ కావడం విశేషం. నిఖిల్ హీరోగా కొన్నేళ్ల క్రితం దర్శకుడు చందు మొండేటి రూపొందించిన ‘కార్తికేయ’ సినిమా అప్పట్లో భారీ విజయాన్ని అందుకుంది.
అప్పటినుండి ఈ సినిమాకి సీక్వెల్ చేయాలని ప్లాన్ చేస్తున్నారు. కానీ కుదరలేదు. ఫైనల్ గా చందు మొండేటి ‘సవ్యసాచి’ తరువాత తన తదుపరి సినిమాగా ‘కార్తికేయ 2’ని తీయాలని పట్టుదలగా ఉన్నాడు. ఇప్పుడు ఈ సినిమాను సెట్స్ మీదకి తీసుకెళ్లడానికి సిద్ధంగా ఉన్నాడు. ఇందులో హీరోయిన్ గా ఎవరిని తీసుకోవాలనే విషయంలో రెండు, మూడు ఆప్షన్స్ పెట్టుకున్న దర్శకుడు చందు మొండేటి ఫైనల్ గా అనుపమని ఫిక్స్ చేశారు.
ఇప్పటికే అనుపమ, నిఖిల్ తో కలిసి ’18 పేజెస్’ అనే సినిమాలో నటిస్తోంది. గీతాఆర్ట్స్ బ్యానర్ లో ఈ సినిమా తెరకెక్కుతోంది. ఇప్పుడు మరోసారి నిఖిల్ తో రొమాన్స్ చేయడానికి సిద్ధమైంది అనుపమ. ఈ నెల 26నుండి ‘కార్తికేయ 2’ సినిమా షూటింగ్ మొదలుకానుంది. ఈ సినిమాకి గ్రాఫిక్స్ వర్క్ చాలా ఉంది. అలానే కాన్సెప్ట్ ప్రకారం మినియేచర్ ప్రాపర్టీస్ కావాలి, అవన్నీ కూడా లాక్ డౌన్ టైమ్ లో చేయించేశారు. పీపుల్స్ మీడియా, అభిషేక్ అగర్వాల్ కలిసి ఈ సినిమాను నిర్మిస్తున్నారు.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
