ఏజ్‌ గ్యాప్ కథలు… టాలీవుడ్‌లో ఇలాంటివి చాలా తక్కువ అని చెప్పొచ్చు. అంతటి ప్రయోగాలు చేయడానికి మన దర్శకులు, హీరోలు, హీరోయిన్లు కూడా ముందుకు రారు. ఎందుకో తెలియదు కానీ… బాలీవుడ్‌లో ఇలాంటి కథలు కనిపిస్తూ ఉంటాయి. ఇప్పుడు తెలుగులో అలాంటి కథను తీసుకురావడానికి ప్రయత్నాలు జరుగుతున్నాయి. మ్యాగ్జిమమ్‌ అన్నీ ఓకే అయిపోయాయి అని కూడా టాక్‌. త్వరలో సినిమా సెట్స్‌ మీదకు వెళ్తుందని సమాచారం. అనుష్క – నవీన్‌ పొలిశెట్టి జంటగా ఓ సినిమా ఉంటుందని చాలా రోజుల క్రితమే వార్తలొచ్చాయి.
‘రా రా కృష్ణయ్య’ సినిమా ఫేమ్‌ పి.మహేష్‌బాబు ఈ సినిమాకు దర్శకత్వం వహిస్తారని టాక్‌ వినిపించింది. యూవీ క్రియేషన్స్‌ నిర్మించనుందని కూడా వార్తలొచ్చాయి. తొలుత ఈ వార్తలు పుకార్లే అని అనుకున్నా… ఆఖరికి అవే నిజమై ప్రాజెక్ట్‌ ఓకే అయ్యింది. ఇటీవల అఫీషియల్‌గా అనౌన్స్‌ చేశారు కూడా. సినిమా షూటింగ్‌ కూడా మొదలైందని సమాచారం. ఇప్పుడు ఆ సినిమాకు సంబంధించి కాన్సెప్ట్‌ ఇదేనంటూ ఓ న్యూస్‌ వైరల్‌ అవుతోంది. ప్రస్తుతం హైదరాబాద్‌లో సినిమాకు సంబంధించిన కీలక సన్నివేశాలను తెరకెక్కిస్తున్నారట.
సెట్‌ లీక్‌ల ప్రకారం చూస్తే… 37 ఏళ్ల వయసున్న మహిళ, 27 ఏళ్ల వయసున్న అబ్బాయి మధ్య ప్రేమ చిగురించడం, ఈ క్రమంలో వారు ఎదుర్కునే ఇబ్బందుల నేపథ్యంలో ఈ సినిమా ఉంటుందట. కథ కొత్తగా ఉంది కదా. అందుకే అనుష్క, నవీన్‌ ఒప్పేసుకున్నారని సమాచారం. అయితే ఎలా వర్కవుట్‌ అవుతుందనేది ఆసక్తికరం. అన్నట్లు బరువు పెరిగి చాలా రోజులుగా తెలుగు సినిమాలకు దూరమైన అనుష్క.. ఇటీవల బరువు తగ్గి స్లిమ్‌ అయ్యింది.
ఇదంతా ఈ సినిమా కోసమే అని చెప్పొచ్చు. కథ కాన్సెప్ట్‌ సీరియస్‌గా ఉన్నా… సినిమా మాత్రం ఫుల్‌ ఫన్‌గా ఉంటుందని చెబుతున్నాయి సినిమా వర్గాలు. త్వరలో సినిమాకు సంబంధించి కాన్సెప్ట్‌ పోస్టర్‌ రిలీజ్‌ చేస్తారని సమాచారం. దాని బట్టి ఇంకాస్త క్లారిటీ వచ్చే అవకాశం ఉంది. ఇందులో అనుష్క, నవీన్‌ కనిపిస్తారా? కనిపిస్తే ఎలా ఉంటారు అనేది చూడాలి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
