‘హరిహర వీరమల్లు’ (Hari Hara Veera Mallu) సినిమా సంగతి ఎటూ తేలకపోతుండటం… పవన్‌ (Pawan Kalyan) ఇప్పట్లో సినిమాలకు డేట్స్‌ ఇచ్చే పరిస్థితి లేకపోవడంతో ఆయనతో సినిమాలు స్టార్ట్‌ చేసిన దర్శకులు ఇప్పుడు వేరే సినిమాలు చేస్తున్నారు. హరీశ్‌ శంకర్ (Harish Shankar) ఇప్పటికే సినిమా స్టార్ట్‌ చేసేయగా, సుజీత్‌ (Sujeeth) త్వరలో ప్రాజెక్ట్‌ మొదలుపెడతారట. ఇక మూడో దర్శకుడు క్రిష్ కూడా అదే పనిలో ఉన్నారు. ఇటీవల ఓ కార్యక్రమంలో తన కొత్త సినిమా అంటూ ఓ పోస్టర్‌ లాంచ్‌ చేశారు. అప్పుడు అది వైరల్‌గా మారింది. ఇప్పుడు దాని వెనుక వైరల్‌ వార్త తెలుస్తోంది.
క్రిష్ (Krish Jagarlamudi) దర్శకత్వంలో అనుష్క (Anushka Shetty) ప్రధాన పాత్రలో ‘ఘాటీ’ అనే సినిమాను తెరకెక్కిస్తున్నారు. ఈ ఫిమేల్ ఓరియెంటెడ్ సినిమా గురించి ఇటీవలే అనౌన్స్‌ చేశారు. ఆ పోస్టర్‌లో అనుష్క చీర కట్టుకొని తలపై ముసుగు వేసికొని నడుస్తూ వెళ్తున్నట్లు చూపించారు. ఈ సినిమాలో అనుష్క పాత్ర గురించి ఆసక్తికర విషయం ఒకటి తెలిసిందే. ఇందులో ఆమె అరవై ఏళ్ల పెద్దావిడగా కనిపించబోతుందట. ఆ పాత్ర కోసం ప్రోస్థటిక్‌ మేకప్‌ చేస్తారని అంటున్నారు.
ఇక ‘ఘాటీ’ సినిమా అనుష్క పాత్ర లైఫ్ జర్నీ ఆధారంగా సాగుతుందట. ఈ క్రమంలోనే ఆమెను 60 ఏళ్ల పెద్దావిడగా చూపిస్తారు అని అంటున్నారు. ఇక ఈ సినిమాను పాన్ ఇండియా స్థాయిలో రిలీజ్ చేస్తారనటి టాక్‌. ఇక ఈ సినిమా థియేటర్‌లో రిలీజ్ అయిన తర్వాత అమెజాన్ ప్రైమ్‌లోకి రానుంది. ఆ ఈవెంట్‌లోనే ఈ సినిమా పోస్టర్‌ను రిలీజ్ చేయడం గమనార్హం.
మరోవైపు అనుష్క ఓ మలయాళ సినిమాను కూడా ఓకే చేసింది. ఇటీవల ఆ సినిమా షూటింగ్ ప్రారంభమైంది. హారర్‌ జోనర్‌లో తెరకెక్కుతున్న ఈ సినిమాలో ఆమె కాస్త నెగిటివ్‌ షేడ్ ఉన్న పాత్రలో నటిస్తోందని టాక్‌. అదే నిజమైతే అలాంటి పాత్ర ఆమె కెరీర్‌లో ఇదే తొలిసారి అని చెప్పాలి. ఇక ఈ రెండు సినిమాలతోపాటు చిరంజీవి ‘విశ్వంభర’లో ఉంది అని అంటున్నారు కానీ.. క్లారిటీ లేదు.
