ప్రభాస్, సుజిత్ కాంబినేషన్లో తెరకెక్కుతున్న భారీ బడ్జెట్ చిత్రం ‘సాహో’. శ్రద్ధా కపూర్ హీరోయిన్ గా నటిస్తున్న ఈ చిత్రం టీజర్ తాజాగా విడుదలైంది. ఈ టీజర్ కి యూట్యూబ్ లో రికార్డులు సృష్టిస్తుంది. ఇక చాలా మంది సెలెబ్రిటీలు టీజర్ అద్భుతమంటూ సోషల్ మీడియాలో ప్రశంసలు కురిపిస్తున్నారు. ఈ టీజర్ చూసాక సినిమా పై అంచనాలు అమాంతం పెరిగిపోయాయి. ఒక్క తెలుగులో మాత్రమే కాదు ఇండియా వైడ్ ఈ చిత్రం కోసం ఎంతో ఆసక్తిగా ఎదురుచూస్తున్నారు. ఇదిలా ఉంటే.. ఈ చిత్ర నిర్మాతలు వంశీ, ప్రమోద్ ల తోనూ అలాగే హీరో ప్రభాస్ తోనూ అత్యంత సన్నిహితంగా ఉండే స్టార్ హీరోయిన్ అనుష్క కూడా.. తాజాగా ఈ టీజర్ పై స్పందించింది.
‘సాహో’ టీజర్ చూసిన అనుష్క ఈ విధంగా స్పందించింది… ” ‘సాహో’ టీజర్ చూశాను .. అద్భుతంగా ఉంది. నాకు చాలా బాగా నచ్చింది. ‘యూవీ క్రియేషన్స్’ వారికి .. ప్రభాస్ కి .. సుజీత్ కి .. మిగతా యూనిట్ సభ్యులకు నా అభినందనలు. ఈ సినిమా ఎప్పుడెప్పుడు విడుదలవుతుందా అని ఎంతో ఆసక్తిగా ఎదురుచూస్తున్నాను” అంటూ తన ఇన్స్టాగ్రామ్ లో పేర్కొంది.
